Comunicáu de sofitu a Hassanna Aalia

Dende la dinámica Somos vuestra peor pesadilla, les organizaciones xuveniles de los pueblos oprimíos pol Estáu español queremos amosar el nuesu sofitu y solidaridá con Hassanna Aalia, xoven saharagui de 26 años al que se-y denegó l'asilu políticu, y que recibió una orde de salida obligatoria a Marruecos, donde ta condergáu a cadena perpetua.

Hassanna Aalia ye un mozu activista de l'Asociación Saharagüi de Víctimes polos Drechos Humanos (ASVDH) en Territorios Ocupaos del Sáhara Occidental, que foi condergáu a cadena perpetua en febreru del 2013 pol Tribunal Militar de Rabat. Hassanna participó a finales de 2010 nel campamentu Gdeim Izik (campamentu de la dignidá) nel que más de 20.000 saharagüis manifestáronse pa esixir la llibertá del pueblu saharagüi y poner fin a la ocupación y opresión qu'exerce sobre elles l'estáu marroquín.

Hassanna foi deteníu, torturáu y condergáu xunta otres 24 saharagüis. Pero esti nun ye un fechu aislláu, sinón que la tortura y violación de derechos humanos que Marruecos comete contra'l pueblu saharagüi repítese de forma sistemática ante los pasivos güeyos de la ONU (MINURSO) que lexitima a Marruecos como un aliáu perfectu pa defender los intereses capitalistes que les oligarquíes europees tienen nel norte d'África. De la mesma forma, esti nun dexa de ser otru de los continuos xuicios políticos colos que Marruecos pretende afitaruna política del mieu que faiga callar la voz del pueblu Saharagüi.

La mocedá revolucionario y combativo de los pueblos primíos pol Estáu español, en coherencia cola nuesa razón de ser internacionalista esiximos que l'Estáu español apurra asilu políticu a Hassanna de forma indefinida y repitimos el nuesu sofitu a tol pueblu Saharagüi nel camín haza la so lliberación plena.

¡Viva'l Sáhara Llibre!

¡Construyimos Solidaridá ente pueblos!

¡Absolución pa los 5 de Zarréu!

Dende Darréu queremos siguir solidarizándonos colos 5 mineros de Zarréu qu’ayeri foron condenaos a 12 años y 6 meses de prisión, multa de 100 meses con cuota de 8 euros y pena de 12 díes de localización permanente pa cada unu. Tovía cabe recursu énte l’Audiencia Provincial. 

Ye perimortante siguir alantre cola solidaridá del pueblu y espeyar el refugu a esta inxusta conderga cola movilización popular, y ye qu'esti tipu de rempuestes del Estáu, nun busquen más qu'achaplar les distintes lluches desarrollaes nel nuesu país p'algamar un futuru que nos tán robando.

 Namás el pueblu salva al pueblu.

 ¡Pola xusticia social! 

 Si nos toquen a una, tóquennos a toes.

[VIDEU] Solidaridá con Alfon dende Asturies

[Alderiques d'Asturies] Darréu cellebró'l so V Conceyu Nacional

La solidaridá popular pidió en Cangas l'absolución de los 5 de Zarréu

Unes mil persones amosaron en Cangas el sofitu a los 5 de Zarréu, que sumen una petición total de cárcel de 32,5 años. La movilización, entamada por Asturies en Pie -plataforma a la que Darréu acaba d'incorporase-, percorrió les cais de la capital del conceyu, con glayíos pola absolución d'estos trabayadores que namái buscaben socorrer a los compañeros mancaos.

Dende Darréu quiximos sumanos a esta movilización en sofitu de les cinco persones afeutaes, y de la mesma forma llamamos a participar esti llunes na concentración de sofitu que tendrá llugar a les 10:30 hores nos xulgaos de lo penal d'Uviéu. Porque la solidaridá de clase ye, amás d'imprescindible, el nuesu meyor arma.

Una delegación de Darréu solidarizóse cola llucha escontra la dispersión de les preses polítiques vasques

Una delegación de la Mocedá d'Izquierda Soberanista tuvo n'Euskal Herría xunto a otres organizaciones participantes na dinámica internacional "Somos vuestra peor pesadilla", sofitando la llucha del pueblu vascu pol acercamientu de les preses polítiques.

Dende Darréu reiteramos el nuesu sofitu y solidaridá pa con esta xusta llucha, y ye que la xabaz dispersión sufría tanto polos presos como poles sos persones más allegaes, nun tien xacíu nengún, y nun fae más qu'espeyar el calter antidemocráticu del Estáu español y la so violación sistemática de los drechos humanos.

#StopDispersionNow

Darréu entama l'espaciu radiofónicu "Reflexones de la mocedá asturiano"

La Mocedá d'Izquierda Soberanista vien d'entamar la so collaboración nel espaciu radiofónicu "Entrevistes n'InfoAsturies", espardíu n'internet y en radios comunitaries asturianes.

El mesmu, consistente nuna columna d'opinión d'unos dos minutos, Darréu fala dende la perspeutiva xuvenil de distintes problemátiques esistentes, tanto específiques de mocedá, como xenerales dende'l puntu de vista xuvenil

Na primer entrega (dende'l minutu 1 aproximadamente) tratamos la problemática d'Alcoa, y la necesidá de soberanía pa iguales dafechu.



Na segunda entrega, falamos de la emigración forciada de la mocedá asturiano.

Darréu incorpórase a ¡Asturies en Pie!

La organización Darréu (Mocedá d’Izquierda Soberanista) vien d’incorporarse a ¡Asturies en Pie!.

D'esta forma, ¡Asturies en Pie! sigue xorreciendo y asitiándose, adulces, como un espaciu pa la xunidá d'aición y movilización de los sindicatos de clas y los coleutivos sociales combativos.

Un espaciu que nin puede nin tien de ser l'únicu n’Asturies; otros movimientos sociales y obreros demuesen, día ente día, el so enfotu y capacidá de resistencia nel intre defender los derechos populares.

Pela nuesa parte, el discursu de ¡Asturies en Pie! ye claru: somos clas obrera y lluchamos pola clas obrera. Somos d'izquierda, vamos a la gueta’l fin del capitalismu y creemos que tienen de ser les y los trabayadores, tantu n'activu como en paru, quien llideren esta llucha popular y social.

El nuesu oxetivu tamién ye claru: sumanos, ¿cómo non?, a la resistencia a les polítiques del réxime n’Asturies, pero tamién poner el nuesu granu de sable nel intre de construyir el poder popular que pueda faer frente al sistema capitalista que nos esplota.

¡La llucha ye l'únicu camín!.

(Anguañu, formen parte de ¡Asturies en Pie!: CSI, CGT, CNT-Xixón, SUATEA, FUSOA, CENTRU SOCIAL AUTOXESTIONÁU LA SEMIENTE, PARA@S Y PRECARI@S D’ASTURIES, CENTRU SOCIAL SESTAFERIA, ASOCIACIÓN PICU RABICU, CENTRU SOCIAL LA LLUME, LLAR LA LLEGRA, DARRÉU).

¡Alfon llibertá!

La maquinaria represiva del Estáu Español actúa esta vegada escontra'l rapaz madrilanu Alfon condenándolu a una pena de cárcele de 4 años. Remenbramos que n'Asturies esta fola represiva ta convirtiéndose n'un mal endémicu el cual debemos faer frente cola nuesa meyor arma, la solidaridá.

TAMOS FARTES DE REPRESIÓN. PUXA LOS QUE LLUCHEN.

Siguimos denunciando la emigración forciada de la mocedá

Dientro de la campaña permanente de denuncia de la emigración forciada de la mocedá a la que mos conderguen los poderes políticos y económicos, Darréu desendolcó nes últimes selmanes nueves aiciones d’axitación y propaganda nes cais del país, col envís de siguir espardiendo non solamente la esistencia d’esta problemática, sinon les causes y el camín pa solucionala dende la perspeutiva soberanista, socialista y feminista.

Asina, la Mocedá d’Izquierda Soberanista escolingó pancartes, desendolcó pintaes, y realizó repartos de pasquinos en llugares bien simbólicos pa la emigración forciada, como la Estación d’Autobuses d’Uviéu. Son dalgunes de les iniciatives que, xunto a otres, van siguir desendolcándose, porque nun vamos aparar d’esixir y lluchar por algamar un futuru dignu n’Asturies y p’Asturies.

 

[VIDEU] Aiciones pol futuru de la mocedá