Mostrando entradas con la etiqueta Internacionalismu. Mostrar todas las entradas
Mostrando entradas con la etiqueta Internacionalismu. Mostrar todas las entradas

martes, 21 de octubre de 2014

Darréu saluda al pueblu canariu nel 50 aniversariu de la creación de la so bandera nacional





Esti 22 d’ochobre ye una fecha perimportante pal pueblu canariu: cúmplense 50 años dende la creación de la bandera nacional de Canaries, y dende la Mocedá d’Izquierda Soberanista, en coherencia col internacionalismu, queremos sumanos a esta fecha d’alcordanza con un saludu a esti pueblu colonizáu pol Estáu español. 

Por si nun fueren yá poques les evidentes señes de la esplotación colonial, tanto económica como cultural, por parte d’España a estes islles, nos caberos meses tamos asistiendo a perimportantes movilizaciones populares escontra unes prospeiciones petrolíferes que son ruina pal pueblu y beneficiu pa les oligarquíes. 

Igual que n’Asturies reivindicamos el camín de la soberanía pa evitar el desmantelamientu industrial, o la puesta en marcha de mines d’oru percontaminantes esplotaes por multinacionales, dende Canaries tamién afiten esi camín, el de la soberanía popular y el socialismu, como l’únicu que puede ufrir una alternativa vidable a esti capitalismu xabaz encarnáu nel Estáu español y la so llegalidá.

Poro, saludamos la concentración reivindicativa que tendrá llugar en Playa Chica (Gran Canaria) y La Laguna (Tenerife), y tola llucha del pueblu canariu escontra la colonización, y pola independencia y el socialismu, llucha que tamos seguros de que va ser victoriosa pa esi pueblu, y pal restu de pueblos del mundu.

PUXA CANARIES Y ASTURIES, LLIBRES Y SOCIALISTES

domingo, 10 de agosto de 2014

Charra: La llucha antifacista n'Ucraína


El prósimu Sábadu 16 d'agostu a les 19h nel Centru Social Sestaferia (Xixón) tendrá llugar una interesante charra sobre la llucha antifacista n'Ucraina, entamada pol Comité Asturianu de Solidaridá cola Ucraína Antifacista.

Va a cuntase con testimonios de primer mano, que falarán de la resistencia que'l pueblu ucranianu ta desendolcando contra'l facismu y l'imperialismu de la UE y los USA. Démpues cellebraráse una pequeña espicha solidaria pa recaudar fondos pa la ayuda humanitaria a la rexón de Donbass. #AsturiesConUcrania

¡Animamos a tola xente a pasase y sofitar la resistencia ucraniana!