Mostrando entradas con la etiqueta Llei Wert LOMCE Asturias Asturies España Educación Recortes Retayos Soberanía Socialismu Mocedá. Mostrar todas las entradas
Mostrando entradas con la etiqueta Llei Wert LOMCE Asturias Asturies España Educación Recortes Retayos Soberanía Socialismu Mocedá. Mostrar todas las entradas

jueves, 27 de marzo de 2014

La mocedá soberanista espardió'l so mensaxe críticu nes movilizaciones estudiantiles


Na mañana del xueves salió de la Plaza la Catedral d’Uviéu una manifestación d’estudiantes, entamada pol SE. Pesie al refugu de Darréu haza los convocantes, tanto no teórico como no práutico, militantes de la Mocedá d’Izquierda Soberanista tuvieron presentes, faciendo visible’l nuesu mensaxe.


Asina, repartiéronse pasquinos nos que Darréu señala los aspeutos regresivos de la LOMCE, tanto nos retayos de places o de calidá, como nel so calter esplícitamente españolizador y contrariu a les cultures y llingües propies de les naciones que componen l’Estáu español.



Afitamos tamién que la problemática nun ye namái educativa: la mocedá asturiana vese privada de drechos fundamentales como’l trabayu dignu o la vivienda, y polo tanto a poder vivir dignamente nel nuesu país. Poro, ye imprescindible que la llucha de la mocedá seya cada día, nel únicu camín p’acabar coles problemátiques qu’anguaño sufrimos: soberanía y socialismu.




miércoles, 26 de marzo de 2014

Nin recortes, nin españolismu: soberanía y socialismu

El gobiernu español sigue aneciando n’imponer un nuevu modelu educativu regresivu, inxustu, y qu’abre la puerta a un retrocesu ensin precedentes de la escuela pública. L’avance privatizador empiora la calidá y l’accesu a la mesma, tresformando la educación nuna mercancía más nes manes del capital.
 
A ello hai que sumar el so calter “españolizador”, consistente na opresión de les llingües y cultures propies esistentes nel Estáu, baxo’l mantu d’una supuesta “identidá española”. Nun atiende amás a la realidá específica d’Asturies: acaba con elementos perimportantes como les escueles rurales, ya impón un esquema “estándar” pa tol Estáu, imposibilitando con ello’l desarrollu d’una escuela pública asturiana afayaíza y de calidá.
 
Un sistema educativu en regresión; paru y precariedá, cola emigración como principal salida una vegada inmerses nel tarren llaboral. Esa ye la realidá de la mocedá asturiano, frutu d’un sistema económicu inhumanu y d’un Estáu español del que, como ferramienta del capitalismu que ye, namái llega a Asturies imposición y recortes.
 
Ante ello, Darréu llamamos a lluchar cada día del añu pol únicu camín que garantiza los derechos del Pueblu Trabayador Asturianu y de la mocedá: soberanía p’Asturies. Socialismu p’Asturies.