Mostrando entradas con la etiqueta asturies asturias Darréu LGTLB Orguyu Gay Arguyu Xixón XEGA Homofobia. Mostrar todas las entradas
Mostrando entradas con la etiqueta asturies asturias Darréu LGTLB Orguyu Gay Arguyu Xixón XEGA Homofobia. Mostrar todas las entradas

miércoles, 25 de junio de 2014

Darréu sofita les reivindicaciones “Por un mundu ensin discriminaciones pa llesbianes, gais, transexuales y bisexuales”

L’Arguyu LGTB trae un añu más un garrapiellu d’actividaes n’ Asturies, siendo la más destacada nel aspeutu reivindicativu la manifestación qu’entama XEGA en Xixón el sábadu 28 de xunu a les 19:30 hores dende la Plaza’l Parchís de Xixón.

Dende Darréu camentamos perimportante siguir cola llucha escontra les discriminaciones que, pesie a los avances en dellos aspeutos llegales algamaos años atrás, sigue sufriendo’l coleutivu de llesbianes, gais, transexuales y bisexuales nel nuesu país, con especial enfotu dende la nuesa organización na vertiente de mocedá, sollertes tanto a les problemátiques y tabúes esistentes nel ámbitu educativu, como cualquier otru del ámbitu xoven.

El llema de la manifestación resume perbién el finxu a consiguir: un mundu ensin discriminaciones pa llesbianes, gais, transexuales y bisexuales. Pa
ello, la mocedá d’izquierda soberanista considera irrenunciable l’avance nel algame plenu de los drechos del coleutivu LGTB, ya’l fin de les fobies, discriminaciones, ridiculizaciones, prexuicios heteronormativos, y otres problemátiques sociales derivaes d’ello.

Porque’l reconocimientu y aplicación de la llibertá afeutivo-sexual ye imprescindible na construcción d’una sociedá realmente llibre, Darréu fae un llamamientu a la mocedá pa participar nesta manifestación reivindicativa. Pa siguir cola llucha contra los prexuicios y fobies espardíes dende medios de comunicación, Ilesia… o mesmamente contra les propies discriminaciones del ámbitu gubernamental.

POR UNA ASTURIES LLIBRE DE FOBIES