El pasáu sábadu Darréu tuvo presente na manifestación entamada poles Asamblees de Trabayadores en Llucha, dientro’l bloque#LluchandoPolaSoberanía. Dellos miles de persones salieron a la cai pa desixir nin más despidos, nin pieslles, nesta Asturies en procesu de desmantelamientu y que nun da oportunidaes de futuru pa la mocedá.
Darréu entiende que la dinámica desendolcada poles Asamblees correspuende con un necesariu modelu horizontal y democráticu, protagonizáu dende la base pola clas obrera y que toma Asturies como marcu específicu de llucha, fechos pernecesarios pa siguir avanzando haza la nuesa emancipación como clase y como nación.
Amás, la nuesa presencia activa nel bloque soberanista, con glayíos como “Nativa o estranxera, la mesma clase obrera”, “Asturies mañana sedrá soberana” o “Asturies llibre, poder popular”, ye un fechu positivu pola importante participación de la mocedá y la visibilización de l’alternativa soberanista.
No hay comentarios:
Publicar un comentario