miércoles, 14 de mayo de 2014

Darréu robla'l manifiestu #JoTambéHiHauriaEntrat

Darréu y la Xunta Estudiantil Asturiana roblen el manifiestu de solidaridá internacionalista coles compañeres de les Islles Balears imputaes por defender l'enseñu públicu.


Yá fai casi dos años, el 22 de mayu de 2012, qu'unes cuarenta persones, principalmente estudiantes y docentes, ocupamos pacíficamente la Conselleria d'Educació pa glayar contra los ataques que recibe indiscriminadamente la educación pública. Esta acción taba enmarcada dientro d'una xornada de fuelga en tol Estáu pola defensa de la educación pública. La decisión del llugar nun foi arbitraria; esti ye l'espaciu simbólicu onde se tomen les decisiones en materia educativo y, poro, foi ellí onde quixímos dirixir nuesa defensa yá que, mientres los últimos años y aprovechando el contestu de crisis económica, potenciáronse les midíes neolliberales contra los servicios públicos. La educación nun foi menos y, ello ye que foi unu de los frentes que sufrió indiscriminadamente una folada d'ataques a tolos niveles formativos. Nel nuesu casu, los motivos que nos impulsaron a espresar la disconformidá coles polítiques educatives que se producíen na Universitat de les Illes Balears fueron la medría nel importe añal de les tases universitaries, l'amenorgamientu de places y d'hores de docencia, l'amenorgamientu del personal, la eliminación  de los servicios clave al campus de la UIB y los fuertes ataques a la llingua catalana, ente otres midíes que tán amenorgando de forma acelerada la calidá de la formación de les estudiantes  y los derechos llaborales de el trabayadores. A día de güei, esti conxuntu de demandes que favorecieron la nuesa acción vense fermamente amestaes al movimientu xeneráu poles docentes mientres el cursu escolar nel cual atopamos, como la fuelga indefinida y les movilizaciones más importantes de les hestoria de les Illes Balears, a les cuales sumámonos y amosemos tou nuesu sofitu y almiración como exemplu de llucha y dignidá.


La respuesta represivo y autoritario del Govern delantre la nuesa acción nun se fixo esperar y, mientres la mesma selmana, detuvieron arbitrariamente a cinco activistes que participaron na protesta, cola cuenta de criminalizar les estudiantes delantre de tola sociedá i mintiendo públicamente sobre los fechos que se producieron, yá que repitimos, de nuevu, el calter pacíficu de la protesta. De la mesma forma, en poco tiempu empezaron a llegar multes. Les sanciones alministratives, que bazcuyaben ente los 1.000 y 3.000 euros, sumando hasta llegar a la desproporcionada cifra de 39.050 euros, fueron paralizaes temporalmente cola macro-imputación de les 43 activistes que participamos.


El tiempu foi pasando, produciéronse declaraciones y avanzáu coles dilixencies xudiciales y, apocayá, comunicáronnos qu'hemos d'encarar un xuiciu penal, coles condenes que van de los seis meses hasta l'añu y mediu de cárcel. Los díes 2, 3 y 4 de xunetu vamos a xuiciu les encausaes pola Conselleria por defender que la educación hai de tar al algame de toes ensin discriminación de nengún tipu y que se debe velar día tres día pola calidá de los servicios públicos. Asina, usando la fiscalía, el Govern acúsanos de los delitos de desorde, lesions y coacciones.


Este ye un exemplu más de como los retayos en derechos sociales, económicos y culturales son indisociables de los retayos en derechos políticos y civiles: de la represión. Los retayos, les privatizaciones y les sos imposiciones son solo posibles gracies a un modelu de dura represión política al traviés de los preseos del Estáu. Por eso, ye central faer esplícita toa nuesa solidaridá con personar represaliaes.


Consideramos esti xuiciu políticu unu más de la ofensiva represiva contra los movimientos sociales que tanto se tán produciendo mientres los últimos años. Ello ye que este ye un intentu de desactivación de les lluches sociales per parte d'un gobiernu qu'aprueba lleis a golpe de decretos y multes. Por eso, esiximos l'absolución de los cuarenta y tres persones y denunciamos la maquinaria represiva del gobiernu que nun paró de criminalizar les protestes y abrir procesos xudiciales y alministrativos contra les que lluchamos en defensa de los derechos básicos.


Vamos a xuiciu! Retáyennos y acúsennos! Absolución Encausades Conselleria d'Educació!

No hay comentarios:

Publicar un comentario