Ta desendolcándose en Xixón la conocía como "Feria de Begoña", eventu taurín que supón el principal requexu del maltratu animal deriváu de les corrides de toros nel nuesu país. Ye amás esta una actividá que nun sedría posible nin vidable ensin les sovenciones municipales, dao que cada añu ye menor el públicu asistente y l'interés que xenera esti tipu d'eventos en Xixón y el restu d'Asturies.
En cualquier casu, con munchu o pocu públicu o viabilidá, dende Darréu consideramos inalmisible que se permita cualquier eventu que suponga'l maltratu animal nel nuesu país, y ye que les corríes de toros vienen amás acompañaes d'elementos reaccionarios como l'españolismu, el machismu, etc, col beneplácitu y el sofitu de les instituciones, que bien per aición -sovenciones y otres ayudes- o per omisión n'otros casos -la non prohibición na Xunta Xeneral de les corríes de toros- faen posible esti tipu d'actividaes.
Poro, la Mocedá d'Izquierda Soberanista sofita y fae llamáu a participar na manifestación antitaurina que tendrá entamu esti domingu a les 16:30 na Prazuela San Miguel de Xixón, y na que va a tener llugar un nuevu bloque #LluchandoPolaSoberanía, por una Asturies llibre, tamién del maltratu animal.
No hay comentarios:
Publicar un comentario