Dende Darréu
queremos treslladar les nueses felicitaciones a Montu pola so absolución, tres
afrontar un procesu xudicial nel que se-y pedíen trés años de cárcel por una
supuesta participación nes protestes mineres del Pozu Santiago.
Como bien
manifestaba Montu, tratábase d’un montaxe policial, otru más de les fuercies
represives a sueldu del Estáu español. Sicasí, plantóse cara a la situación
dende la denuncia pública, l’arrenuncia a pautos xudiciales, la organización y
la movilización, con un resultáu perpositivu a la vista de toes y toos.
Tamién nos paez
afayaízo destacar dende la mocedá’l papel de la plataforma ¡Asturies en Pie!
nesti y otros frentes antirrepresivos, amusándose una vegada más como una
ferramienta mui útil pa la solidaridá popular y la xunión de fuercies de
coleutivos que, dende distintes óptiques y estayes de trabayu, espeyen unos
plantegamientos mínimos comunes.
Pesie a esta bona
noticia, nun escaecemos qu’hai entá munchos casos represivos abiertos n’Asturies,
destacando tamién nel tarrén mineru el de los 5 de Zarréu, pa los
qu’aprovechamos pa esixir de nueu l’ABSOLUCIÓN, como pal restu de
represaliaes/os por lluches.
No hay comentarios:
Publicar un comentario