Los periodos de crisis del sistema capitalista son bien afayaízos pa que
resurdan los monstruos nes nueses naciones. El racismu, el machismu, el
facismu… son instrumentos emplegaos poles élites que mos dominen pa caltener el
so estatus. Ye asina como, en determinaos momentos hestóricos, estes élites nun
dubien en sofitar, financiar, ya incluso armar, a coleutivos con estes idegues
bien nocives pa cualquier sociedá que busque acabar con toa forma d’opresión.
Nun ye daqué nuevo, nun ye daqué escontra lo que
nun temos preveníes. Como amuesa, esto dicía G. Dimitrov en 1935:
“El facismu nun ye una forma de poder estatal que tea, como se pretende,
‘perriba de dambes clases, del proletariáu y de la burguesía’ como por exemplu
afirmó Otto Bauer. Nun ye ‘la pequeña burguesía insurrecionada qu’apodérase del
aparatu del Estáu’, como declara'l socialista inglés Brailsford. Non. El
facismu nun ye un poder asitiáu perriba de les clases, nin el poder de la
pequeña burguesía o del lumpenproletariáu sobro'l capital financieru. El
facismu ye'l poder del propiu capital financieru. Ye la organización del axuste
de cuentes terrorista cola clas obrera y la parte revolucionaria de los
campesinos y los inteleutuales. El facismu en política esterior ye'l chovinismu
na so forma más brutal que cultiva un odiu bestial escontra los demás pueblos”.
LOS QUE ROBEN A LA CLAS OBRERA VAN EN LIMUSINA
ASTURIES ANTIFACISTA
ASTURIES ANTIFACISTA
No hay comentarios:
Publicar un comentario