La mocedá de los
pueblos oprimíos pol Estáu español queremos denunciar la Llei de Seguridá
Ciudadana, conocía como Llei Mordaza. L'Estáu español quier aprobar esta llei pa
callar a les persones insumises. Esta llei coarta los nuesos derechos de
manifestación y espresión, pa callar les protestes xeneraes tres les agresiones
a los nuesos derechos sociales, llaborales y políticos, tres les últimes
reformes impuesta dende'l gobiernu del PP y dende Europa.
Por ello, como
declaración d'intenciones, manifestamos que vamos siguir na llucha xunto al
pueblu, amosando que si siguen atacando a les clases populares, van atopar a la
mocedá combativa enfrente. Usando la capucha como reivindicación en si mesma,
de lo que significa ser xoven y tar na llucha. Porque nun usamos la capuchapa
tapar la nuesa cara, usámosla pa representar a tola xente que lo pasa mal, a
tola xente que sufre'l xenocidiu capitalista.
Faemos nueses les
palabres d’ Assata Shakur (militante del Partíu Revolucionariu Panteres
Negres): “nenguna llucha ganóse apelando a la moral del opresor”. El futuru ye
nuesu y desobedeceremos.
Nunca nun van
consiguir una mocedá callada, rompemos el silenciu y quitamos los bozales que
nunca nos podrán poner. La mocedá rebalba de los pueblos siempres vamos lluchar
pa que la voz del pueblu seya escuchada
¡Si l'Estáu español
mos emboza
la mocedá rebelde
refúgalo!
No hay comentarios:
Publicar un comentario