El pasáu vienres la Mocedá d'Izquierda Soberanista tuviemos na Manifestación pola Oficialidá, entamada pola Xunta pola Defensa de la Llingua Asturiana, y ficímoslo dientro'l bloque soberanista, entendiendo qu'esti ye un espaciu dende'l que puxar polos nuesos drechos llingüísticos dende una perspeutiva amplica de drechos sociales y nacionales pal Pueblu Trabayador Asturianu.
Un añu más, foi bien destacable la presencia de mocedá reivindicando peles cais d'Uviéu, y más entá nun bloque #LluchandoPolaSoberanía nel que, como ye vezu, la mocedá ye mayoritaria y protagonista. Como afitábemos n'anteriores ocasiones, pa nós ye clave’l papel que tien
que xugar la mocedá nesta llucha, como nel restu de les que
desendolquen n’Asturies. Les nueves xeneraciones tenemos qu'algamar una
Asturies más llibre, xusta y digna y pa qu'eso seya posible tenemos que
superar el conflictu llingüísticu, pa lo que cabe esixir a toles
fuercies polítiques, movimientos sociales, y coleutivos de toa triba,
unos mínimos democráticos que pasen por delles cuestiones, y ente elles,
el tema que nesta ocasión nos ocupa: la oficialidá y normalización de
les nueses llingües propies.
No hay comentarios:
Publicar un comentario