martes, 24 de noviembre de 2015

25 Payares: Escontra la violencia machista




Esti miércoles ye’l Día Internacional Escontra la Violencia de Xéneru, reivindicación qu’un añu más sigue desgraciadamente de plena actualidá, debío al interminable númberu de muertes y agresiones que vemos nel Estáu español a lo llargo d’esti añu, ensin qu’Asturies se llibre de la so propia cuota nesta llaceria: son 1.094 los casos activos de violencia de xéneru anguaño nel nuesu país.

Dende la mocedá creyemos más necesaria que nunca la llucha polos drechos de les muyeres, por una igualdá efectiva haza la que namái vamos poder avanzar si tenemos bien presente que’l patriarcáu ye’l responsable de les muertes, les amenaces, les agresiones, les discriminaciones, los roles y estereotipos.

Poro, dende Darréu encamentamos a participar nes reivindicaciones feministes convocaes n’Asturies por esti día, y sobre too, a siguir espardiendo la concencia de que, como moces y mozos, tenemos la responsabilidá d’algamar una sociedá llibre, que nun puede ser tal ensin muyeres llibres.

No hay comentarios:

Publicar un comentario