domingo, 8 de noviembre de 2015

Solidaridá con Aarom, Atanes y Mario






El próximu día 10 de payares, trés nuevos galegos, van ser xulgaos por participar nuna protesta estudiantil contra la presencia na Universidá de Santiago de Compostela del presidente de la Xunta de Galiza, Alberto Nuñez Feijó, máximu responsable a nivel gallego de los retayos efectuaos na educación pública y de l'aplicación de lleis anti-populares y anti-gallegues como la LOMCE.
Los delitos de los que se-yos acusa son de mancadures y desordenes públicos, llegando a pidir una conderga de 3 años a caún, 9 años de prisión en total, amás d'una cuantiosa multa económica. Un pidimientu desproporcionáu pa una acusación falsa, que se basa en fotografíes publicaes por un mediu de (des)información y nes declaraciones de los policías de paisanu que participaben del dispositivu esi día y que fueron quien realmente afrellaron a lxs estudiantes concetraxs contra les polítiques de corte neolliberal.
Dende los grandes poderes del Estáu Español quieren asustanos, venos callaxs, que nun salgamos a la cai a denunciar la miseria a la que someten a la mocedá trabayadora... Pero lxs nuevxs rebeldes de les naciones oprimíes pol Estáu Español tenemos claro que nun lo van consiguir, sabemos que'l camín ye siguir defendiendo los nuesos derechos nes cais y exercer la desobediencia a les sos lleis, solo asina les sos polítiques represores nun van llograr detenenos.
Nun vamos arrodiellanos ante los sos montaxes policiales, pos somos conocedores de la fuerza y de la necesidá d’ autoorganización de la mocedá de cada nación oprimida qu'ayude y dexe la necesaria acumuladura de fuerces pa romper col réxime autoritariu y partriarco-burgués que representa España.
Ye por eso, qu'esti 10 de payares, les organizaciones xuveniles y estudiantiles de les naciones oprimíes pol Estáu Español vamos amosar el nuesu sofitu internacionalista a estos trés mozos que s'enfrenten a descmanaes penes de prisión pola defensa coherente de los derechos de la mocedá trabayadora gallega.
Aarom, Atanes, Mario absolución!

ARRAN - Concejo Estudiantil - Darréu - Ernai - Ikasle Abertzaleak - Isca! - Jaleo!!! - LEG - Purna - SEPC - Seira - Xunta Estudantil Asturiana - Yesca

No hay comentarios:

Publicar un comentario