“Pa mover les
piedres” yera’l llema de la clásica convocatoria de xineru polos drechos de les
preses y los presos políticos vascos. Nesta ocasión el númeru de ciudaes
protagonistes ampliábase y miles de persones enllenaron les calles de Bilbo y
de Baiona.
Una delegación de
Darréu sofitó la causa acudiendo a la manifestación de Bilbo, onde ente más de
setenta mil persones recorrió les calles bilbaínes xunto al restu de banderes
internacionalistes. La nuesa presencia na manifestación débese al indudable
sofitu que tenemos pa cola causa vasca y el total refugu a les práutiques represives
de los estaos francés y español, que siguen exerciendo la violencia contra’l
pueblu vascu, encarcelando a la militancia ya incumpliendo los drechos humanos
de les preses con taútiques como la dispersión, la non lliberación de les
preses enfermes o los castigos en celdes d’aisllamientu.
Nesi mesmu día,
Darréu participó de los actos entamaos pola organización internacionalista
Askapena; actu políticu na plaza Bilbi, xinta popular y poteo tres finar la
manifestación. El procesu d’Askapena y cinco de los sos militantes ye un
exemplu más de la represión que sigue sufriendo’l pueblu vascu anguaño, pesie a
tar inmerses nun procesu de paz, procesu qu’ a los estaos francés y español nun-yos
interesa, recurriendo davezu a la represión de too aquello que güela a
lliberación del pueblu vascu.
¡EUSKAL HERRIA NUN
CAMINA SOLA!
No hay comentarios:
Publicar un comentario