Na mañana del miércoles 24, trés díes depués del Día Internacional de la Llingua Materna, desendolcóse nel salón d'actos de la biblioteca d'El Milán la charra "Llingües minorizaes, llingües maternes", entamada pola Mocedá d'Izquierda Soberanista.
Na mesma pudieron sentise les reflexones d'Adama Diouf, mediador intercultural natural de Senegal, qu'abordó les problemátiques llingüístiques y culturales anguaño esistentes: les consecuencies de la colonización siguen afeutando visiblemente a les llingües propies esistentes, faciendo un repasu d'elles y señalando que, al contrariu de lo que suel pensase dende equí, el Wólof ye namái una de les munches esistentes, y emplegada en munches ocasiones como elementu d'imposición.
Pel so llau, Pelayo Martínez fizo un repás de la situación llingüística n'Asturies, tanto nel tarrén de les problemátiques principales que carecen los y les falantes d'asturianu y gallego-asturiano, como nes reivindicaciones que pon enriba la mesa Darréu pa consiguir la dignidá que merecen les nueses llingües maternes.
Previamente a la charra, la seición "Naguando" de la RPA fizo una breve entrevista a dambos ponentes, la cual podéis sentir equí:
No hay comentarios:
Publicar un comentario