Les llendes d’estaos como Grecia o Macedonia siguen apurriendo estos
últimos díes imaxes bien llamentables de la crisis humanitaria que ta
faciendo a cientos de persones, mayores y guah.es, vivir en llamuergues
que llamen campamentos, o andar al debalu de meyores perspeutives
n’otres zones.
Por si fuera poco,
l’esperpentu completóse cola detención de persones voluntaries y
periodistes, y ye que dende esa institución que tanto quieren vendemos
como exemplar, la Xunión Europea, nun se quier que se vea y se cunte la
realidá de lo que ta asocediendo neses zones, y con eses persones que
nun busquen otra cosa qu’un futuru meyor.
Tán vulnerándose los drechos humanos con pautos vergoñosos, tán intentando tapecer una fola de refuxaes y refuxaos, que ye responsabilidá direuta de los estaos imperialistes qu’empobinen la guerra y la miseria en países como Siria, al tiempu qu’emburrien o simplemente permiten que’l xustificatoriu mensax xenófobu y racista de la estrema drecha siga medrando n’abondos estaos del continente.
Dende Darréu sumámonos al refugu y la denuncia d’esta situación, y afitamos qu’un pueblu como l’asturianu, avezáu a tener que marchar a otros países pa ganar el pan, tien de ser exemplu d’acoyida y sofitu a estes persones refuxaes. Nun podemos esperar que lo faiga un Estáu español cómpliz, nin una institución podre como la XE, ferramienta del capital que sigue esforzándose día a día n’amosanos la necesidá de salir d’ella pa recuperar la nuesa dignidá como pueblos.
¡PERSONES REFUXAES, BIENLLEGAES!
Tán vulnerándose los drechos humanos con pautos vergoñosos, tán intentando tapecer una fola de refuxaes y refuxaos, que ye responsabilidá direuta de los estaos imperialistes qu’empobinen la guerra y la miseria en países como Siria, al tiempu qu’emburrien o simplemente permiten que’l xustificatoriu mensax xenófobu y racista de la estrema drecha siga medrando n’abondos estaos del continente.
Dende Darréu sumámonos al refugu y la denuncia d’esta situación, y afitamos qu’un pueblu como l’asturianu, avezáu a tener que marchar a otros países pa ganar el pan, tien de ser exemplu d’acoyida y sofitu a estes persones refuxaes. Nun podemos esperar que lo faiga un Estáu español cómpliz, nin una institución podre como la XE, ferramienta del capital que sigue esforzándose día a día n’amosanos la necesidá de salir d’ella pa recuperar la nuesa dignidá como pueblos.
¡PERSONES REFUXAES, BIENLLEGAES!
No hay comentarios:
Publicar un comentario