Ye 28 de xunu, Día Internacional del Arguyu LGTBi, y tamién de la
Diversidá Sexual. Un añu más, sigue siendo necesaria la tresformación
de la nuesa sociedá nestes cuestiones, al traviés de la llucha escontra
les discriminaciones que, pesie a los avances en dellos aspeutos
llegales algamaos a lo llargo de munchos años de reivindicación, sigue
sufriendo’l coleutivu de llesbianes, gais, transexuales y bisexuales nel nuesu país.
Como nun podría ser d’otra forma, tenemos que poner enfotu especial dende la nuesa organización na vertiente de mocedá, sollertes tanto a les problemátiques y tabúes esistentes nel ámbitu educativu, como cualquier otru del ámbitu xoven., y ye que les fobies, discriminaciones, ridiculizaciones, prexuicios heteronormativos, y otres problemátiques sociales derivaes d’ello siguen siendo una murnia realidá n’Asturies.
Pa construyir una Asturies llibre, ye imprescindible una sociedá ensin
discriminaciones pa llesbianes, gais, transexuales y bisexuales, siendo
polo tanto irrenunciable l’avance nel algame plenu de los drechos del
coleutivu LGTB. Pesie a que dende l’ámbitu institucional puea paecer que
ta too fecho y algamao, nada más lloñe de la realidá. Ye por ello polo
que la concienciación y la llucha son clave pa romper colos prexuicios,
les fobies, y tola maquinaria sistémica que lo normaliza y promueve.
Porque entá queda muncho que facer hasta algamar una Asturies llibre de fobies, la mocedá tien de siguir cola llucha contra los prexuicios espardíos dende medios de comunicación, Ilesia… o mesmamente contra les propies discriminaciones empobinaes dende l’ ámbitu gubernamental. Un añu más, arguyosamente visibles, arguyosamente diverses, arguyosamente combatives.
¡Puxa l’Arguyu LGTBi!
Porque entá queda muncho que facer hasta algamar una Asturies llibre de fobies, la mocedá tien de siguir cola llucha contra los prexuicios espardíos dende medios de comunicación, Ilesia… o mesmamente contra les propies discriminaciones empobinaes dende l’ ámbitu gubernamental. Un añu más, arguyosamente visibles, arguyosamente diverses, arguyosamente combatives.
¡Puxa l’Arguyu LGTBi!
No hay comentarios:
Publicar un comentario