miércoles, 20 de julio de 2016

[DMR'16] Duerna, primer confirmación pa la II Nueche en Danza




VIENRES 14 OCHOBRE. II NUECHE EN DANZA (LA FELGUERA) ENTRADA DE BALDRE
+ DUERNA
+ GRUPU POR CONFIRMAR
+ GRUPU POR CONFIRMAR

SÁBADU 15 OCHOBRE XIII ASTURIES NUN ESCAEZ (LA FELGUERA) 8€ ANTICIPÁ / 10 € TAQUILLA
+ GRUPU POR CONFIRMAR
+ GRUPU POR CONFIRMAR
+ GRUPU POR CONFIRMAR
+ GRUPU POR CONFIRMAR
+ GRUPU POR CONFIRMAR

Duerna naz como grupu en setiembre de 2008. A mediu camín ente la bandina tradicional y el folk actual, Duerna atopa'l so llugar dientro la música asturiana dende la grabación de la so maqueta promocional titulada "Dende'l chigre". "El mineru" o "La mio razón" suenen nuna montonera de radios n'Asturies, y los conciertos de Duerna tienen cada vez más públicu, actuando nos principales escenarios d'Asturies y fuera de la so comunidá (Cantabria, Castellón, Galicia…). En 2010, la crítica musical de RTPA (Radio Televisión del Principáu d'Asturies) premia a la moza formación como "Grupu Revelación" del añu. El concursu internacional de música folk "Escenariu prau" recibe a Duerna na so VI edición con un gran interés dempués de la postrera intervención na comunidá cántabra; y previa seleición de maquetes, semifinal y final, el grupu llogra el primer premiu nel teatru Casyc de Santander, pasando de ser una gran promesa a consolidase como tou un referente de la música folk. Al poco, espublicen el so primer trabayu discográficu, Manca la maera", nel qu'inclúin el vidioclip del cantar "Fiestes de prau" (Tante Blanco-Duerna), qu'arrastrará a cientos de persones a la so presentación en Sama (Llangréu). ¡A mansalva!, esti ye'l títulu que Duerna-y pon al segundu trabayu discográficu, como campeones del nomáu concursu. Un discu que demuestra una gran madurez musical nel pocu espaciu de tiempu ente'l primer discu y el reciente. El prestixosu músicu asturianu Dani Álvarez, nuna coproducción musical col grupu, consigue mantener el característicu estilu del grupu, reiventando armoníes, melodíes y arreglos que nun esperimentaren hasta agora. Los xéneros bailables nun sufren modificaciones estructurales y engalánense a so vez d'un gran atractivu musical, nel que les collaboraciones como Marcos García (acordión), Orestes Barbachan (percusión latina), Bandes de gaites "Conceyu Llangréu" y "Conceyu Siero", ente otres, tienen una importante participación.

No hay comentarios:

Publicar un comentario