El gobiernu
español, al traviés del Ministeriu de Facienda, reclama la lliquidación
d’EMUTSA, la empresa de tresporte públicu del conceyu mierense. Amparaos na
“Ley de Racionalización y Sostenibilidad de la Administración Local”, y en
definitiva na so lóxica neolliberal y centralista, dende’l gobiernu central
quieren acabar con un serviciu públicu perimportante por “desequilibriu
económicu”.
Vivimos nun conceyu machacáu pola desindustrialización y la falta d’oportunidaes de futuru pa la mocedá, pola avieyamientu y la perda poblacional, y enriba quieren acabar con daqué que ye básico nun conceyu con abondos pueblos y zones que coneutar mediante un serviciu públicu: el tresporte. Sicasí, vemos cómo dende'l gobiernu central nun empleguen los mesmos criterios nin el mesmu enfotu xusticieru con obres faraóniques como l’Alta Velocidá, con sobrecostes milmillonarios y una estroza ecolóxica llamentable.
Paez que'l casu mierense nun ye l'únicu en recibir esti tipu de notificaciones, y ye que n'Asturies, tamién afeuta a Xixón, y a otros munchos Ayuntamientos nel Estáu español. Sigan p'alantre o non estes notificaciones, entendemos que ye pergrave que se cuestionen servicios públicos por cuestiones de rentabilidá y caxigalines cuntables: los servicios públicos tienen que ser útiles, non un negociu.
Ante estes cuestiones, vemos una vegada más cómo les instituciones asturianes, vense nunos casos ensin voluntá nenguna de defender los intereses del pueblu trabayador asturianu, y n’otros casos ensin capacidá pa ello, polo que’l camín de la soberanía torna a rescamplar una vegada más como una necesidá pa organizar tolos ámbitos del nuesu país alcordies cola voluntá y les necesidaes de nueso.
Por too ello, la mocedá asitiámonos xunto a la Casa Conceyu y el conxuntu del movimientu vecinal y popular mierense, na defensa d’un serviciu públicu que nun puede pesllar de nenguna manera, afondando nel tresporte públicu de cercanía como clave pa vertebrar los conceyos y el conxuntu del país, al mesmu tiempu que faciendo imprescindible’l so calter social, primando les necesidaes populares sobre un criteriu económicu capitalista que mos quieren facer pasar como “sentíu común” y “lo normal”
EMUTSA NUN PIESLLA
LA MOCEDÁ POL TRESPORTE PÚBLICU Y SOCIAL
Vivimos nun conceyu machacáu pola desindustrialización y la falta d’oportunidaes de futuru pa la mocedá, pola avieyamientu y la perda poblacional, y enriba quieren acabar con daqué que ye básico nun conceyu con abondos pueblos y zones que coneutar mediante un serviciu públicu: el tresporte. Sicasí, vemos cómo dende'l gobiernu central nun empleguen los mesmos criterios nin el mesmu enfotu xusticieru con obres faraóniques como l’Alta Velocidá, con sobrecostes milmillonarios y una estroza ecolóxica llamentable.
Paez que'l casu mierense nun ye l'únicu en recibir esti tipu de notificaciones, y ye que n'Asturies, tamién afeuta a Xixón, y a otros munchos Ayuntamientos nel Estáu español. Sigan p'alantre o non estes notificaciones, entendemos que ye pergrave que se cuestionen servicios públicos por cuestiones de rentabilidá y caxigalines cuntables: los servicios públicos tienen que ser útiles, non un negociu.
Ante estes cuestiones, vemos una vegada más cómo les instituciones asturianes, vense nunos casos ensin voluntá nenguna de defender los intereses del pueblu trabayador asturianu, y n’otros casos ensin capacidá pa ello, polo que’l camín de la soberanía torna a rescamplar una vegada más como una necesidá pa organizar tolos ámbitos del nuesu país alcordies cola voluntá y les necesidaes de nueso.
Por too ello, la mocedá asitiámonos xunto a la Casa Conceyu y el conxuntu del movimientu vecinal y popular mierense, na defensa d’un serviciu públicu que nun puede pesllar de nenguna manera, afondando nel tresporte públicu de cercanía como clave pa vertebrar los conceyos y el conxuntu del país, al mesmu tiempu que faciendo imprescindible’l so calter social, primando les necesidaes populares sobre un criteriu económicu capitalista que mos quieren facer pasar como “sentíu común” y “lo normal”
EMUTSA NUN PIESLLA
LA MOCEDÁ POL TRESPORTE PÚBLICU Y SOCIAL
No hay comentarios:
Publicar un comentario