El vienres 14 d'ochobre nel CP José Bernardo de
Sama, y dientro les actividaes del DMR 2016, hai Nueche en danza &
folk con entrada gratis: TUENDA, LOS COLLACIOS y CUATROLÁN + escenariu
llibre/micru abiertu pa quien s’anime a siguir enllenando de música y
baille la nueche.
Por segundu añu, dende Darréu apostamos por esparder la música del país na so vertiente tradicional, que non por ello menos aprovechable como parte fundamental na recuperación y actualización de los nuesos raigaños culturales.
Por segundu añu, dende Darréu apostamos por esparder la música del país na so vertiente tradicional, que non por ello menos aprovechable como parte fundamental na recuperación y actualización de los nuesos raigaños culturales.
¿Qué ye eso de la Nueche en danza, y cómo encaxa nun DMR?
La Nueche en danza ye una xuntanza
organizada de xente pa baillar, tocar y cantar ensin más pretensión que
la de pasalo bien, y que vien algamando nos últimos meses una medría de
popularidá, participación, y númberu d’actividaes per tol país.
Dende Darréu vemos importante implicar a la mocedá nes alternatives
d’ociu que tán recuperándose anguañu n’Asturies, alternatives que pa nós
tienen potencial perimportante na recuperación d’identidá de pueblu, de
tornar a facer visible la nuesa cultura popular.
Creyemos que
ye necesario recuperar aquelles formes d’entretenimientu en comuña qu'
utilizaben antañu na nuesa tierra, vezos que foron perdiéndose cola
deriva aculturizadora durante los siglos pasaos na que, al igual que
cola llingua, comenzó a despreciase cualquier actividá, costume, forma
de rellación etc que xuniera a la xente como pueblu, imponiéndose sobre
les mesmes otres formes de sociabilización al serviciu del capital.
Sicasí, estes costumes nun llegaron a perdese, siguen calteniéndose
vives na nuesa nación, pero necesiten d’un cuidáu y revalorización na
qu'a la mocedá tócanos participar.
Dende fae años, delles persones
y colectivos puxen pola recuperación de la tradición asturiana, y dende
Darréu, como defensores de la soberanía del pueblu asturianu nun
duldamos en potenciar estes estayes, y facemoslo por varies razones:
- El tiempu llibre ye daqué no que’l pueblu tien de ser soberanu, esto
ye, divertise y entretenese con llibertá y ensin imposiciones ayenes, alienantes y
mercantilistes. Debemos xestionalo nosotres mesmes, facelo accesible a
la xente y decidir cómo y con quién queremos pasalu.
- Creyemos
que les costumes tradicionales del pueblu asturianu son un patrimoniu
que nun hai que dexar morrer ya que caltienen la llama d’una cultura
viva y propia na que nos gusta vivir y cola que nos sentimos
identificaes.
- Aún con esto, nun reivindicamos volver dos
sieglos p’atrás por señaldá d’ un tiempu idílicu pasáu nin queremos
repetir esactamente les mismes rellaciones que se daben entonces.
Entendemos que lo correutu ye adapatar lo antiguo a los tiempos nos que
vivimos y sabemos qu’hai patrones de comportamientu superaos a los que
nun tenemos por qué volver. Debemos recuperar aquello que nos fae sentir
asturianes pero non aquello que nos pue facer sentir opresión de
llingua, de xéneru, o cualquier otra.
En definitiva, nesti DMR
apostamos otra vegada por por dá-y espaciu a una recuperación consciente de la nuesa
cultura popular (emplegando les nueses llingües propies, fuxendo de la
reproducción de roles de dominación del home sobre la muyer nel baille,
etc), esa que n’aquellos tiempos de revolución obrera que motiven el DMR taba muncho más
presente nes vides del pueblu asturianu.
No hay comentarios:
Publicar un comentario