Esti vienres desendolcóse nel Espaciu La Llegra
la Xornada Asturllionesa alrodiu la situación llingüística. Na mesma,
pudimos güeyar el documental "Asina falamos", un retratu de la realidá
llingüística nel país vecín, pa darréu dar pasu a la charra del
coleutivu Ruchar Mocedá Llionesa,
na que ficieron un ampliu repasu de la cuestión tanto dende una
contestualización hestórica, como dende los parámetros presentes: zones
onde se caltién vivu'l llionés, torgues institucionales na so defensa y promoción, la realidá del movimientu de reivindicación llingüística, etc.
Dende Darréu damos les gracies a tola xente presente, qu'enllenó'l Llar
La Llegra, asina como a les compañeres de Ruchar pola primer parte d'un
intercambiu que va tener continuidá'l 25 d'esti mes nel llionés CSO El
Faro.
Nesti enllaz podéis sentir la entrevista del programa "Naguando" de RPA sobre esta xornada: http://www.rtpa.es/audio:Naguando_1487362158.html
Nesti enllaz podéis sentir la entrevista del programa "Naguando" de RPA sobre esta xornada: http://www.rtpa.es/audio:Naguando_1487362158.html
No hay comentarios:
Publicar un comentario