¡Capgemini solución!

Esti sábadu pasáu tuvo llugar peles cais de La Felguera la manifestación entamada pola CNT, col envís de denunciar la situación de cesión illegal y precariedá de cientos de trabayadores nuna de les empreses que más puestos de trabayu apurre na cuenca: Capgemini. Como consecuencia de reivindicar los sos derechos, cuatro trabayadores foron despidíos, faciendo too ello inaceutable nunes cuenques mineres esfarrapaes pol desmantelamientu industrial.

Como coleutivu de mocedá, tuviemos sofitando esta convocatoria de llucha obrera, y ye que ye inaceutable que nunes cuenques mineres esfarrapaes pol paru y la desindustrialización, y una Asturies nuna situación asemeyada de paru, precariedá y emigración, el trabayu qu’hai seya nunes condiciones que nun permitan vivir dignamente equí. 

¡CAPGEMINI SOLUCIÓN!

¡FUTURU PA LES CUENQUES, FUTURU P’ASTURIES!