La mocedá d'izquierda soberanista Darréu tuvo
presente na manifestación "Asturies en pie" que percorrió les
principales víes del Conceyu de Llangréu. La manifestación foi un clamor
en favor de la realmisión de los despedíos de Duro Felguera
y el caltenimientu de la empresa en Llangréu y Asturies. Dende Darréu
participamos con una pancarta con un mensaxe nidio "Asturies nun ta en
venta". Tamién repartimos cientos de pasquines en pro de la soberanía
política y económica como igua a la situación llaceriosa que viven les
cuenques y Asturies. Dende Darréu queremos unviar la nuesa solidaridá a los despedíos , felicitar a tolos coleutivos que ficieron posible esta semana de llucha en Llangréu y denunciar l'actitú y proceder de los sindicatos españoles, que nun sapautaron nin sofitaron la convocatoria pol futuru de Duro Felguera nel conceyu llangreanu y el país.
¡ASTURIES SÁLVASE LLUCHANDO!
No hay comentarios:
Publicar un comentario