23 de payares: Homenaxe a los "Mártires de Carbayín".

El prósimu sábadu 23 de payares Darréu, la Mocedá d´Izquierda Soberanista entama, como nos dos últimos años, un homenaxe a los "Mártires de Carbayín". L´actu, de marcáu calter antifacista, quier homenaxear la figura de les 24 persones que foron asesinaes de forma xabaz pol exércitu español demientres la represión a los nuesos compatriotes na Revolución d´ochobre de 1934. Tamién quier facer alcordanza de tolos asturianos que foron víctimes del facismu español d´ayeri y güei.

L´actu entamará a les 13:00 hores nel Cementeriu de Carbayín Altu y nun descartamos dende Darréu facer otru tipu d´actividaes dientru d´esta xornada. Pa Darréu ye pernecesariu dignificar la memoria coleutiva´l Pueblu Asturianu y rendir homenaxe a toles persones que llucharon por otra Asturies, igual que güei lluchamos nós por algamar otra Asturies, otra Asturies onde la mocedá tea futuru, el Pueblu Asturianu pueda decidir de forma soberana´l destín del nuesu país y la economía tea al serviciu de los y les trabayadores.

Asina, llamamos a la mocedá asturiano a acudir a esti actu y facer d´esti día d´homenaxe tamién un día de vindicación. Ye necesariu xenerar dinámiques sociales dende la mocedá asturiano que dexen pernidio al Bloque Oligárquicu Español que nun van ser quien pa con nós y que vamos vencer la batalla na llucha por una Asturies digna, democrática daveres y llibre y socialista.

¡Puxa Asturies Llibre y Socialista! ¡Asturies Antifacista Siempres!