Darréu aconceyó con Arran Alacantí

Darréu - Mocedá d'Izquierda Soberanista- aconceyó esti pasáu fin de selmana con una representación d'Arran de la comarca d'Alacantí, comarca del País Valencià (PPCC). L'alcuentru cellebrose na ciuda de Xixón y sirvió pa intercambiar esperiencies y aldericar sobre los problemes y perspeutives de la mocedá d'Asturies y de los Països Catalans. Tamién sirvió'l conceyu pa averar la realidá nacional y social de les nueses naciones.

Dende Darréu valoramos positivamente la esperiencia y llamamos a la mocedá de dambes naciones a texer redes de sofitu y comunicación col envís d'afondar nel nuesu compromisu internacionalista. Dende Darréu quinximos tresmitir la situación que vive anguaño'l Pueblu Trabayador Asturianu y los principales problemes y cuestiones del nuesu momentu. Tamién informamos a la militancia de la mocedá catalana independentista, socialista y feminista n'Alacanti de la situación xeneral del soberanismu xuvenil asturianu y la izquierda soberanista.

Asina, unviamos un abrazu internacionalista dende Asturies a tola militancia d'Arran nos Països Catalans y animamos al Pueblu Catalan a siguir la llucha pola independencia nacional, el socialismu y la lliberación de la muyer.

¡Puxa la mocedá que llucha!