Nes últimes selmanes la conflictividá social a nivel internacional ta
medrando y en dellos países la situación faise incaltenible. Amás estos
conflictos tan dándose n'estremaos continentes, anque tienen munches
asemeyances y respuenden a unos mesmos intereses, los del poder
capitalista mundial. Referímonos a la situación ta viviéndose en
Venezuela o Ucrania, pero tamién a casos como'l de Siria. En cierta
manera, les situaciones de conflictividá y cuasi que guerra abierta que
se tan xenerando son una salida más que da'l capitalismu a les sos
crisis, esto nun ye nada nuevu.
La Xunión Europea y Estaos Xuníos, que conformen un bloque y una estratexa sociopolítica del neolliberalismu mundial tan acometiendo una braera ofensiva escontra dellos países violando la so soberanía nacional si fai falta con tal de satisfacer los sos intereses oligárquicos. En Venezuela la estrema drecha ta echada a la cai con financiamientu yanki col envís de desestabilizar el procesu bolivarianu encabezáu por Nicolás Maduro, buscando crear les condiciones pa dar un güelpe d'Estáu. Quiciabes esta seya la última posibilidá de la oligarquía yanki, llatinoamericana y europea de facese col control políticu na República Bolivariana de Venezuela.
N'Ucrania los poderes oligárquicos europeos y yanquis tan tratando d'empobinar un procesu de violencia dientro'l país al serviciu de los intereses económicos de la burguesía occidental. La “rebelión” ucraniana, supuestamente democrática y que namái puxaba por qu'Ucrania entrara na Xunión Europea ta siendo en verdá una ofensiva ideolóxica total de calter anticomunista, racista y escontra tolo que tea de ver cola igualdá social. L'actividá y el puxu garrráu por grupos abiertamente facistes y neonazis financiaos pol poder económicu occidental ye bona amuesa de la natura d'esta rebelión.
El resultáu final de munches d'eses “primaveres árabes” o la situación en Siria y otros países espeyen una clara escalada violenta del imperialismu col envís d'algamar los sos oxetivos y afitar el so dominiu y la so doctrina onde'l capital, en manes de la oligarquía, ye'l poder cimeru. Llevamos años viendo como l'imperialismu ataca a terceros países en función de los sos intereses, violando la soberanía nacional de los mesmos y agrediendo procesos democráticos en nome de la so democracia. L'añu 2014 entama fuerte nesti sen.
Dende Darréu, la Mocedá d'Izquierda Soberanista d'Asturies queremos unviar un abrazu solidariu ya internacionalista a los pueblos agredíos pol imperialismu, yá seya la XE, EEXX o la OTAN, por poner los exemplos más avezaos. La crisis capitalista que la oligarquía fai pagar a los y les trabayadores necesita abrir nuevos conflictos p'asina da-y salida a los sos intereses financieros y comerciales y siguir enllenando los bolsillos d'unos pocos, cueste lo que cueste. El nivel de concenciación del pueblu trabayador ta medrando yá que tamos viendo como cada día que pasa l'imperialismu tórnase más agresivu y autoritariu, apoyandose inclusive nel facismu pa caltener los privilexos de clas de la burguesía.
Tamién queremos dende Darréu denunciar el papel del Estáu Español que como nun podía ser d'otra manera posicionose delláu del facismu y l'imperialismu, posición coherente entendiendo la so natura burguesa y reaccionaria. Nun podemos asperar otra cosa de los qu'asesinen ensín piedá a 12 inmigrantes na mar y nun faen que dimita naide. Per otru llau, el PSOE asturianu, que mos fala d'internacionalismu y solidaridá como escusa pa xusticar la so refuga a caltener la nuesa identidá nacional y los nuesos drechos políticos como asturianos y asturianes mira pa otru llau o direutamente fala n'abertal pa sofitar a l'imperialismu y los sos sirvientes facistes.
La mocedá asturiano consciente quier denunciar la natura antidemocrática, reaccionaria y totalitaria d'esti neolliberalismu que tamos viviendo. Entendemos que l'imperialismu necesita de conflictos bélicos internos pa espardir el so poder y facer medrar les sos cuentes corrientes y pa ello ye pernecesariu que s'afite nel facismu de xemes en cuando.
Convidamos a la mocedá asturiano a pensar por sí mesma y da-y dos vueltes a les informaciones que tan llegando al travíes de los mass-media. Llamamos a les moces y los mozos d'esti país a refugar les operaciones imperialistes y el facismu y señalamos al Estáu Español como axente activu nes agresiones que se tan dando escontra gobiernos soberanos. El Reinu d'España y la so hipocresía a la hora de falar de paz y democracía nun comprende más allá de la so natura neofranquista y de los intereses de los grandes monopolios.
Dende Asturies creemos que la superación d'esti marcu y la salida de les estructures imperialistes (OTAN, XE, Reinu d'España) ye una necesidá hestórica p'Asturies y el so futuru. Nun podremos vivir en paz, con xusticia social y en llibertá mentantu teamos baxo la bota imperialista, ye una incohenrencia evidente. Ye pernecesariu lluchar escontra l'imperialismu dende la defensa de la soberanía de los pueblos y dende una perspeutiva claramente rupturista col status-quo.
En manes de la mocedá asturiano ta construyir un mundu nuevu, onde la paz, la soberanía de los pueblos y la fin de la esplotación del home pol home seyan finxos cimeros. Pa entamar esi camín tenemos d'entamar por Asturies, el nuesu país. L'Estáu Español ye una ferramienta de la oligarquía que debemos superar construyendo otra Asturies soberana del imperialismu y onde cualesquier triba d'opresión nun tea cabida.
Escontra l'imperialismu y el facismu ¡nin un pasu atrás!
¡Pola soberanía de los pueblos! ¡Pola emancipación de los trabayadores!
La Xunión Europea y Estaos Xuníos, que conformen un bloque y una estratexa sociopolítica del neolliberalismu mundial tan acometiendo una braera ofensiva escontra dellos países violando la so soberanía nacional si fai falta con tal de satisfacer los sos intereses oligárquicos. En Venezuela la estrema drecha ta echada a la cai con financiamientu yanki col envís de desestabilizar el procesu bolivarianu encabezáu por Nicolás Maduro, buscando crear les condiciones pa dar un güelpe d'Estáu. Quiciabes esta seya la última posibilidá de la oligarquía yanki, llatinoamericana y europea de facese col control políticu na República Bolivariana de Venezuela.
N'Ucrania los poderes oligárquicos europeos y yanquis tan tratando d'empobinar un procesu de violencia dientro'l país al serviciu de los intereses económicos de la burguesía occidental. La “rebelión” ucraniana, supuestamente democrática y que namái puxaba por qu'Ucrania entrara na Xunión Europea ta siendo en verdá una ofensiva ideolóxica total de calter anticomunista, racista y escontra tolo que tea de ver cola igualdá social. L'actividá y el puxu garrráu por grupos abiertamente facistes y neonazis financiaos pol poder económicu occidental ye bona amuesa de la natura d'esta rebelión.
El resultáu final de munches d'eses “primaveres árabes” o la situación en Siria y otros países espeyen una clara escalada violenta del imperialismu col envís d'algamar los sos oxetivos y afitar el so dominiu y la so doctrina onde'l capital, en manes de la oligarquía, ye'l poder cimeru. Llevamos años viendo como l'imperialismu ataca a terceros países en función de los sos intereses, violando la soberanía nacional de los mesmos y agrediendo procesos democráticos en nome de la so democracia. L'añu 2014 entama fuerte nesti sen.
Dende Darréu, la Mocedá d'Izquierda Soberanista d'Asturies queremos unviar un abrazu solidariu ya internacionalista a los pueblos agredíos pol imperialismu, yá seya la XE, EEXX o la OTAN, por poner los exemplos más avezaos. La crisis capitalista que la oligarquía fai pagar a los y les trabayadores necesita abrir nuevos conflictos p'asina da-y salida a los sos intereses financieros y comerciales y siguir enllenando los bolsillos d'unos pocos, cueste lo que cueste. El nivel de concenciación del pueblu trabayador ta medrando yá que tamos viendo como cada día que pasa l'imperialismu tórnase más agresivu y autoritariu, apoyandose inclusive nel facismu pa caltener los privilexos de clas de la burguesía.
Tamién queremos dende Darréu denunciar el papel del Estáu Español que como nun podía ser d'otra manera posicionose delláu del facismu y l'imperialismu, posición coherente entendiendo la so natura burguesa y reaccionaria. Nun podemos asperar otra cosa de los qu'asesinen ensín piedá a 12 inmigrantes na mar y nun faen que dimita naide. Per otru llau, el PSOE asturianu, que mos fala d'internacionalismu y solidaridá como escusa pa xusticar la so refuga a caltener la nuesa identidá nacional y los nuesos drechos políticos como asturianos y asturianes mira pa otru llau o direutamente fala n'abertal pa sofitar a l'imperialismu y los sos sirvientes facistes.
La mocedá asturiano consciente quier denunciar la natura antidemocrática, reaccionaria y totalitaria d'esti neolliberalismu que tamos viviendo. Entendemos que l'imperialismu necesita de conflictos bélicos internos pa espardir el so poder y facer medrar les sos cuentes corrientes y pa ello ye pernecesariu que s'afite nel facismu de xemes en cuando.
Convidamos a la mocedá asturiano a pensar por sí mesma y da-y dos vueltes a les informaciones que tan llegando al travíes de los mass-media. Llamamos a les moces y los mozos d'esti país a refugar les operaciones imperialistes y el facismu y señalamos al Estáu Español como axente activu nes agresiones que se tan dando escontra gobiernos soberanos. El Reinu d'España y la so hipocresía a la hora de falar de paz y democracía nun comprende más allá de la so natura neofranquista y de los intereses de los grandes monopolios.
Dende Asturies creemos que la superación d'esti marcu y la salida de les estructures imperialistes (OTAN, XE, Reinu d'España) ye una necesidá hestórica p'Asturies y el so futuru. Nun podremos vivir en paz, con xusticia social y en llibertá mentantu teamos baxo la bota imperialista, ye una incohenrencia evidente. Ye pernecesariu lluchar escontra l'imperialismu dende la defensa de la soberanía de los pueblos y dende una perspeutiva claramente rupturista col status-quo.
En manes de la mocedá asturiano ta construyir un mundu nuevu, onde la paz, la soberanía de los pueblos y la fin de la esplotación del home pol home seyan finxos cimeros. Pa entamar esi camín tenemos d'entamar por Asturies, el nuesu país. L'Estáu Español ye una ferramienta de la oligarquía que debemos superar construyendo otra Asturies soberana del imperialismu y onde cualesquier triba d'opresión nun tea cabida.
Escontra l'imperialismu y el facismu ¡nin un pasu atrás!
¡Pola soberanía de los pueblos! ¡Pola emancipación de los trabayadores!
No hay comentarios:
Publicar un comentario