La
princesa Letizia Ortiz tien programa una visita al Conceyu de Llangréu
pa esti xueves 20 de marzu al Centru Integráu de Formación Profesional
de Caltenimientu y Servicios a la Producción.
Dende la Mocedá d'Izquierda Soberanista refugamos la visita d'esta
persona a Llangréu y el nuesu país yá que nun entendemos mui bien la
productividá o funcionalidá de la mesma, siendo l'envís d'esti actu faer
propaganda y circu de la monarquía y d'esta princesa que vive a costa
de toos y toes.
Dende
Darréu entendemos qu'esta individua, cuyo título oficial ye “Princesa
d'Asturies” ye una parásita más d'esa institución arcaica y medieval que
ye la monarquía española, institución que tien el poder cimeru d'esti
Estáu y onde hai una corruptela monstruosa y evidente. Al Pueblu
Asturianu naide-y consultó si quería constituyise en Principáu y tener
príncipes que tuvieran el nome'l nuesu país. La mocedá asturiano
consciente entiende qu'Asturies nun tien rei, somos un pueblu
intelixente y hai sieglos que nun atalantamos la pervivencia de
monarquíes y demás castes.
Recordamos-y
a Letizia Ortiz que n'Asturies hai más de 100.000 paraos, que la mocedá
sofre la emigración forciada y que nun tenemos nengún tipu de texíu
industrial pa caltener nel país actividá productiva dala. Poro,
convidamos-y a reflexonar a esta señora hasta que puntu ye moral, éticu y
racional que viva como vive, ensín trabayar pero cobrando millones y
millones públicos, dineru que xeneramos ente toos cola nuesa fuercia de
trabayu.
Dende
Darréu pidimos polo tanto a la señora Letizia Ortiz que nun venga a
Llangréu a siguir col circu real que tien de sofrir Asturies de xemes en
cuando. La mocedá asturiano consciente tenemos pernidio que la
monarquía española ye un pegoyu fundamental d'esti Réxime
antidemocráticu y reaccionariu que sofrimos y tien de cayer. El nuesu
futuru construyímoslo nós mesmos y namái tendremos futuru cola llucha y
la organización del Pueblu Trabayador Asturianu, faciendo puxu pola
consecución d'una República Asturiana al serviciu de los intereses de
los y les trabayadores.
¡Letizia go home! #LetiGoHome
¡Pola República Asturiana! ¡Abaxu la monarquía española!
No hay comentarios:
Publicar un comentario