Nuevamente llega un Primeru de Mayu con un panorama socioeconómicu y
políticu n'Asturies llaceriosu y too fai indicar que vamos a un
escenariu ainda más grave a tolos niveles. Nesti país el paru sigue
superando la cifra de 100.000 persones, el trabayu cada vuelta ye más
precario y el nuesu texíu productivu ta siendo desaniciáu, bien pola
avaricia capitalista o poles imposiciones de les estructures neolliberales sobre Asturies.
Nesti contextu de crisis capitalista la mocedá ye la más perxudicada. A
los mozos y les moces d'esti país nun mos ufren más camín que'l paru o
la emigración forciada, dos realidaes bien visibles n'Asturies
d'anguaño. Poro ta nidio que queda muncho por lluchar y organizar si
queremos algamar dalguna meyora coleutiva nes nuestres vides y
tresformar la realidá na que malvivimos. Poro, el Primeru de Mayu
entendemos que ye un día de llucha y nun hai nada que folixar.
Nesti sen dende Darréu - Mocedá d'Izquierda Soberanista - llamamos al Pueblu Trabayador Asturianu a salir a la cai esti prósimu Primeru de Mayu. Pal nuestru coleutivu la convocatoria de manifestación de los sindicatos de clas CSI, CGT y SUATEA ye la más afayaiza d'esti día pa puxar polos nuesos drechos y llibertaes. Dende Darréu tamién entendemos que'l Primeru de Mayu tien de ser un día pa visibilizar y reclamar la soberanía política y económica d'Asturies, braeru camín p'acabar con esti Réxime podre del 78 y algamar un mañana dignu representáu n'una República Asturiana de calter socialista.
¡Puxa'l Primeru de Mayu! ¡Puxa la llucha de clas obrera!
¡Mocedá nun te rindas! ¡Por una Asturies socialista y soberana!
Nesti sen dende Darréu - Mocedá d'Izquierda Soberanista - llamamos al Pueblu Trabayador Asturianu a salir a la cai esti prósimu Primeru de Mayu. Pal nuestru coleutivu la convocatoria de manifestación de los sindicatos de clas CSI, CGT y SUATEA ye la más afayaiza d'esti día pa puxar polos nuesos drechos y llibertaes. Dende Darréu tamién entendemos que'l Primeru de Mayu tien de ser un día pa visibilizar y reclamar la soberanía política y económica d'Asturies, braeru camín p'acabar con esti Réxime podre del 78 y algamar un mañana dignu representáu n'una República Asturiana de calter socialista.
¡Puxa'l Primeru de Mayu! ¡Puxa la llucha de clas obrera!
¡Mocedá nun te rindas! ¡Por una Asturies socialista y soberana!
No hay comentarios:
Publicar un comentario