La Mocedá d'Izquierda Soberanista - DARRÉU - entama esti viniente sábadu 31 de mayu una xornada montañera nel Conceyu de Llaviana.
Con salida dende Fayacaba sobre les 10:30 fadremos un itinerariu perprestosu pasando pola Campa Gües, el Pozu Funeres y el Picu Trigueru. Aprovechando'l pasu pol Pozu Funeres fadremos un homenaxe a los ellí represaliaos pol facismu y un actu políticu. Pa garrar fuercies de nuevu diremos otra vuelta a Campa Gües onde fadremos una xinta popular y de xermandía bien prestosa n'un chigre de la zona.
Con esti actu queremos afitar compañerismu y compromisu y convivir con otros compañeros n'una xornada vindicativa, natural y llúdica.
Tais toes y toos convidaes/os a esta prestosa esperiencia. Si teneis dalguna dulda poneivos en contautu con nós nel nuestru correu darreu.moceda@gmail.com o nes nuestres redes sociales.
¡Animaivos que merez la pena! ¡Puxa Asturies y puxa la mocedá que llucha!
No hay comentarios:
Publicar un comentario