Esti sábadu 24 de mayu convócase una concentración (12:30 hores énte la
Xunta Xeneral) d’alcordanza y reivindicación del mayu de 1808 nel nuesu
país. Esta ye una continuación de la iniciativa
#LluchandoPolaSoberanía, presente en trés de les más importantes
movilizaciones sociales desendolcaes n’Asturies nesti mes.
Dende Darréu un añu más vemos perimportante la reivindicación de los
fechos que remembramos en mayu de 1808, onde l’emburrie del pueblu
asturianu foi’l causante de fechos tan importantes como la creación d’un
exércitu popular, o la constitución de la Xunta Xeneral en Xunta
Suprema de Gobiernu con atribuciones soberanes, ente otres cuestiones.
Nestos fechos foi destacable’l papel de la mocedá, tanto nos socesos previos como nel desendolcu de la resistencia posterior al llevantamientu. Poro, dende Darréu reivindicamos esta carauterística, y afitamos qu’anguaño la mocedá cunta con una responsabilidá entá más importante si cabe como motor de dinamización nos necesarios cambios sociales a desendolcar nel nuesu país.
La llucha de la xuventú nel centru d’estudios, nel centru de trabayu, na cola del paru… en definitiva, la so organización y aición son imprescindibles p’algamar esi futuru qu’anguaño mos nieguen. Pero ye necesario facelo dende una conciencia clara y decidía de que namái lluchando pola nuesa emancipación nacional, de clase, de xéneru… sedremos quién a llabranos un porvenir llibre de formes d’opresión y dominación.
Poro, la llucha pola soberanía y el socialismu son l’exe reivindicativu que presenta la mocedá como proyeutu de futuru. Porque nun podemos facer meyor homenaxe que siguir #LluchandoPolaSoberanía, llamamos a participar nesta concentración del 24 de mayu n’Uviéu
Nestos fechos foi destacable’l papel de la mocedá, tanto nos socesos previos como nel desendolcu de la resistencia posterior al llevantamientu. Poro, dende Darréu reivindicamos esta carauterística, y afitamos qu’anguaño la mocedá cunta con una responsabilidá entá más importante si cabe como motor de dinamización nos necesarios cambios sociales a desendolcar nel nuesu país.
La llucha de la xuventú nel centru d’estudios, nel centru de trabayu, na cola del paru… en definitiva, la so organización y aición son imprescindibles p’algamar esi futuru qu’anguaño mos nieguen. Pero ye necesario facelo dende una conciencia clara y decidía de que namái lluchando pola nuesa emancipación nacional, de clase, de xéneru… sedremos quién a llabranos un porvenir llibre de formes d’opresión y dominación.
Poro, la llucha pola soberanía y el socialismu son l’exe reivindicativu que presenta la mocedá como proyeutu de futuru. Porque nun podemos facer meyor homenaxe que siguir #LluchandoPolaSoberanía, llamamos a participar nesta concentración del 24 de mayu n’Uviéu
No hay comentarios:
Publicar un comentario