Na xornada de güei asistimos dende la Izquierda Soberanista Asturiana a
un nuevu atropellu represivu qu'atenta escontra los nuesos drechos y
llibertaes más básiques como ye'l casu de la llibre espresión,
manifestación y reunión. N'una clara actitú d'acosu policial la Xunta
Eleutoral y la Delegación de Gobiernu, al travíes de los sos esbirros,
comunicaron a los convocantes de la
iniciativa xunitaria #LluchandoPolaSoberanía la prohibición de la
concentración que vindicaba soberanía p'Asturies y facía alcordanza de
los fechos revolucionarios de 1808.
Na tardi d'esti vienres 23 de mayu diose una rueda de prensa n'Uviéu
col envís d'informar de la decisión d'estes entidaes oficiales y
denunciar esti nuevu atentáu escontra'l Pueblu Asturianu. Na rueda de
prensa s'esclariaron delles cuestiones no referente a la cellebración de
la movilización, que finalmente nun se podrá convocar gracies a la so
represión y les constantes amenaces que recibieron les persones
organizadores. Darréu - Organización de la Mocedá d'Izquierda
Soberanista- que dende bien ceo sofitó la convocatoria tamién formó
parte d'esta rueda de prensa cola presencia de dellos militantes.
El sucursalismu qu'ordena y manda de xuru qu'entiende esto como una victoria sobre les persones que naguamos por otra Asturies pero dende Darréu creemos realmente que s'enquivoquen. Esti nuevu casu de represión, qu'evidencia una vegada más la situación predemocrática que vivimos nesti país, danos a los y les patriotes d'izquierda más ganes d'axuntanos y siguir #LluchandoPolaSoberanía.
Como fai 206 años sabemos perbien que la fuercia del Pueblu Asturianu puede desbordar toa muria represiva y con organización, voluntá y unidá podemos saltar la muria y caminar día tres día pa ser más llibre. L'espiritu d'esa #AsturiesEnxamásVencida sigui con nós tol añu y la nuesa dignidá ta mui perriba d'ellos.
¡Puxa Asturies llibre y socialista!
Escontra la represión: ¡lluchemos, organicémonos y trunfemos!
El sucursalismu qu'ordena y manda de xuru qu'entiende esto como una victoria sobre les persones que naguamos por otra Asturies pero dende Darréu creemos realmente que s'enquivoquen. Esti nuevu casu de represión, qu'evidencia una vegada más la situación predemocrática que vivimos nesti país, danos a los y les patriotes d'izquierda más ganes d'axuntanos y siguir #LluchandoPolaSoberanía.
Como fai 206 años sabemos perbien que la fuercia del Pueblu Asturianu puede desbordar toa muria represiva y con organización, voluntá y unidá podemos saltar la muria y caminar día tres día pa ser más llibre. L'espiritu d'esa #AsturiesEnxamásVencida sigui con nós tol añu y la nuesa dignidá ta mui perriba d'ellos.
¡Puxa Asturies llibre y socialista!
Escontra la represión: ¡lluchemos, organicémonos y trunfemos!
No hay comentarios:
Publicar un comentario