domingo, 29 de junio de 2014

Participamos na manifestación LGTB en Xixón.

Darréu, la Mocedá d'Izquierda Soberanista participó na tardi'l sábadu 28 de xunu na manifestación del orguyu LGTB convocada por XEGA y que foi sofitada por delles entidaes polítiques, sociales y sindicales. La movilización percorrió les cais más céntriques de la ciudá de Xixón y vindicó la fin de les discriminaciones pa col coleutivu LGTB.

Darréu participó con un baberu col llema "Por una Asturies y un mundiu llibre de fobies" col subllema "Puxa la llucha contra la homo/tres/bi/fobia" y trató d'amosar el sofitu que dende la mocedá soberanista asturiano tien el coleutivu LGTB. La Mocedá d'Izquierda Soberanista quier construyir una Asturies braeramente llibre en tolos xacios y les fobies haza otres persones por mor de la so sexualidá son intolerables na Asturies pola que naguamos.

Dende Darréu creemos que toles persones tienen drechu a decidir cómo quieren vivir la so sexualidá y sentir la mesma. Les discriminaciones y prexuicios haza esti coleutivu siguen tando presentes n'Asturies y tol mundiu y en plenu sieglu XXI creemos qu'esto ye intolerable. Tampocu queremos que la fola neolliberal y cavernaria que tamos viviendo n'Asturies y l'Estáu Español condicione los drechos algamaos pa que toles persones seyan llibres nel planu sexual.

¡Por una Asturies y un mundiu llibre de fobies!

No hay comentarios:

Publicar un comentario