Conocimos la doble cara del Mundial 2014 de Brazil.

Esti sábadu 28 de xunu entamamos una charra alderique nel Llocal Cambalache d'Uviéu p'averanos a la realidá social de Brazil en plena cellebración del Mundial 2014. Na charra cuntamos cola collaboración de Cambalache que cedió'l so espaciu y cola xente de Soldepaz Pachakuti, conoceora de la realidá d'America Llatina. Nesti sen el compañeru Nacho González impartió esta perinteresante charra.

Nun se-y escapa a naide qu'en Brazil tan dándose munchos despropósitos col mundial de fúbol y dende la Mocedá d'Izquierda Soberanista quinximos dar voz y visibilidá a lo que ta pasando realmente en Brazil con esta actividá. El compañeru Nacho fixo una esplicación na que desmontó bona parte de les imposiciones de la FIFA, el doble raseru d'esta entidá supuestamente deportiva y tamién fixo un averamientu a les lluches que tan desendolcándose nel país carioca. Hebo muncho alderique y foi una esperiencia formativa de gran valir.

Zarramos l'actividá con un pinchéu solidariu onde pudimos siguir compartiendo idees y conocenos toos y toes meyor, n'un ambiente perbonu. Valoramos esta actividá en positivu y agradecemos muncho l'asistencia a tola xente.

N'Asturies o Brazil ¡viva la llucha de la clas obrera!