La
Mocedá d'Izquierda Soberanista DARRÉU quier treslladar la so solidaridá a
la Corriente Sindical d'Izquierda que vien de sofrir un nuevu atropellu
represivu, esta vegada n'Avilés. Compañeros del sindicatu recuperaben
la Casa Sindical d'Avilés y foron desagospiaos de la mesma, siendo
cuatro persones imputaes por orde de la patronal asturiana.
La Casa Sindical d'Avilés foi entregada va tiempu a la FADE ensín
nengún xacíu y la patronal dende esi intre tenía l'edificiu ensín
cumplir nenguna función social. L'únicu destín que-y esperaba a les
instalaciones de la Casa Sindical tando en manes de la patronal yera
l'abandonu y desaniciu.
Compañeros del sindicatu CSI ocuparon el
llocal y quinxeron recuperar la Casa Sindical pa facer qu'esta tornara
al so dueñu lexítimu: el Pueblu Trabayador d'Avilés. Cuatro persones tan
imputaes por "usurpación y daños" tres una denuncia de la FADE, que foi fecha efeutiva cola collaboración de Gabino de Lorenzo, Delegáu de Gobiernu, y la so policía represora.
Dende Darréu queremos amosar la nuesa solidaridá coles persones
represaliaes y denunciar publicamente les tautiques caciquiles y
facistes de la patronal asturiana. Pa la mocedá asturiano que llucha
estes persones merecen tol respetu pol fechu de recuperar pa la clas
obrera un espaciu que-y pertenez por drechu. L'auténtica usurpadora de
la Casa Sindical d'Avilés ye la FADE de los recortes, la emigración
xuvenil, la precariedá y l'alta siniestralidá llaboral.
¡Tamos fartxs de represión!
¡Fuera la patronal de la Casa Sindical!
¡Que viva la llucha de la clas obrera!
No hay comentarios:
Publicar un comentario