¡Ye’l momentu! ¡Abaxu’l Réxime’l 78! ¡Asturies nun tien rei!

La Mocedá d’Izquierda Soberanista –Darréu- quier espresar el so refugu al relevu de Felipe de Borbón nel tronu del Reinu d’España. Tres abdicar Juan Carlos I el Réxime de 1978 quier imponenos a Asturies y el restu de pueblos oprimíos una nueva reforma del Réxime que nun cuenta con nengún tipu d’apoyu popular.

Dende Darréu refugamos esti procesu de transición monárquica, en plenu sieglu XXI ye una vergoña la esistencia d’una institución tan arcaica como la monarquía española, monarquía amás enllena de corrupción. Asina entendemos que ye momento de Poder Popular, d’organizalu nesti país y tener drechu a escoyer el nuestru futuru como pueblu.

Creemos qu’Asturies tien drechu a dicir si quier o non ser un Principáu y una rexón de segunda dientru d’un Reinu arcaicu vendíu al capital. Dende Darréu puxamos nesti momentu pola construcción de la República Asturiana como preséu de democracia, llibertá y xusticia p’Asturies.

Asina dende Darréu llamamos a les moces y los mozos d’esti país a garrar l’asturina, bandera d’esti país y de la clas obrera asturiana y movilizase en tolos requexos del país posibles. A les 20:00 hores hai movilizaciones anunciaes nes principales llocalidaes d’Asturies y la mocedá asturiano consciente tien de ser un actor fundamental pa baltiar el Réxime’l 78.

‪#‎FelipeNunSedrásRei‬ ‪#‎RepúblicaAsturiana‬ ‪#‎LluchandoPolaSoberanía‬