Esti 2 de xunu Mocedá d'Izquierda Soberanista - Darréu - participó
nes movilizaciones entamaes en dellos conceyos del país escontra la
monarquía y en favor d'un referendum democráticu sobre'l modelu d'Estáu.
La militancia de Darréu acudió a estos llamaos portando como ye
davezu l'asturina, bandera del país y bandera de llucha de la clas
obrera asturiana. Compartimos dende
Darréu la reclamación d'un referendum que surde dende los seutores
populares de tol Estáu Español pero nun dexamos de puxar pola
construcción de la República Asturiana como garante de soberanía,
xusticia y llibertá pal Pueblu Asturianu.
Dende la prudencia llamamos a la mocedá asturiano a tar soyerte sobre
los pasos a dar na llucha escontra'l Réxime impuestu en 1978. Ye momentu
d'unidá popular pa superar el marcu vixente y construyir alternatives
al serviciu del Pueblu Trabayador y la soberanía de los pueblos.
No hay comentarios:
Publicar un comentario