jueves, 24 de julio de 2014

La mocedá con Palestina

Llangréu y Xixón foron les llocalidaes qu'acoyeron estos pasaos díes concentraciones de sofitu cola causa palestina nel nuestru país. Centenares de persones participaron nes mesmes pola fin de la ocupación y los crímenes de guerra fechos por Israel. El Pueblu Asturianu demandó sanciones a Israel y la fin del Réxime sionista que lleva tantes décades condergando al Pueblu Palestín al apartheid. 
Na concentración de Xixón quedó nidio de parte de quién ta la Policía Española y Gabino de Lorenzo, faciendo una violenta carga contra una protesta que foi pacífica. En Xixón como en Gaza'l capitalismu reparte palos contra les persones que naguen por ser llibres y quieren vivir en paz. 

Militantes de la Mocedá d'Izquierda Soberanista participamos en dambes convocatories y amosamos el nuestru sofitu a la xusta causa palestina. Dende Darréu consideramos vergoñosu lo que ta pasando en Gaza pero tamién que n'Asturies nun se pueda demosar llibremente la solidaridá cola nación hermana Palestina. 


¡Asturies con Palestina!

No hay comentarios:

Publicar un comentario