Dende la Mocedá
d’Izquierda Soberanista consideramos bien positivu l’afitamientu d’una dinámica
de bloques soberanistes que cumple yá un añu de desarrollu, amosando que ye
posible axuntar nes cais a les persones y organizaciones que componen esti espaciu
políticu ya ideolóxicu, siendo amás perdestacable’l papel d’una mocedá que
s’asitia como dinamizadora y principal componente d’estos bloques.
Ye por ello que la
mocedá vamos tar una vegada más formando parte del bloque
#LluchandoPolaSoberanía, con un sofitu firme y esplícitu a la convocatoria del
sindicalismu alternativu y combativu del nuesu país (CSI, CGT y SUATEA). Denunciamos
una vegada más el papel caciquil y cómpliz col poder de CCOO y UGT, siendo
imprescindible pa la clase obrera asturiana siguir fortaleciendo l’alternativa
sindical referencial nel nuesu país: la CSI.
Amás, frutu d’esti
trabayu sindical honráu, combativu, y siempres fiel a los intereses de la clase
obrera, vien surdiendo una ferramienta como les Asamblees de Trabayadores en
Llucha, afitaes yá como un exemplu de solidaridá obrera y llucha dende’l marcu
específicu asturianu.
Facemos polo tanto
un llamáu a la mocedá asturiano a participar na manifestación de CSI, CGT y
SUATEA dientro’l bloque #LluchandoPolaSoberanía, esti 1º de mayu dende la Plaza
L’humedal de Xixón a les 12:30 hores.
No hay comentarios:
Publicar un comentario