domingo, 3 de mayo de 2015

La mocedá tuvo'l 1º de Mayu #LluchandoPolaSoberanía y un #CamínSocialista



Esti 1º de Mayu la Mocedá d'Izquierda Soberanista tuviemos participando na manifestación del sindicalismu alternativu (CSI, CGT y SUATEA), dientro'l bloque #LluchandoPolaSoberanía nel que, xunto a una bayura de persones y otros coleutivos como La Llegra, la XEA o Conceyu Abiertu, afitamos la necesidá de siguir afondando nel camín d'una soberanía pernecesaria pal Pueblu Trabayador Asturianu.

Dende Darréu espardimos amás cientos de pasquinos afitando dellos puntos básicos del nuesu proyeutu anguaño: la llucha escontra la emigración forciada de la mocedá, la llucha feminista, el trabayu dende Asturies como'l nuesu marcu nacional de llucha de clases escontra marcos capitalistes como l'Estáu español, Xunión Europea o la OTAN, y el socialismu como'l sistema que puxamos por algamar pa encauzar estes reivindicaciones.

Finó'l 1º de Mayu, pero non l'arguyu de clas. Finó un día de llucha y reivindicación, pero non l'enfotu de siguir per esi camín los otros 364 díes de cada añu.

PUXA LA LLUCHA DE LA CLASE OBRERA
PUXA ASTURIES LLIBRE Y SOCIALISTA



No hay comentarios:

Publicar un comentario