Una nueva Selmana de les Lletres dende la mocedá vémonos obligaes y
obligaos a siguir señalando la situación antidemocrática carecía poles
llingües propies d’Asturies y les sos comunidaes de falantes. Les nueses
llingües maternes, asturianu y gallego-asturiano, siguen ensin vese
llegalmente reconocíes n’igualdá de condiciones col castellán, esto ye:
ensin oficialidá, situación qu’espeya la situación predemocrática na qu’entá s’alcuentra’l nuesu país.
Ye por ello que poco nuevo vamos apurrir a una reivindicación bien
clara y hestórica: la oficialidá de les nueces llingües propies, y el so
consiguiente ya imprescindible procesu de normalización, ambiciosu y
enfotáu en toles estayes, siendo la mocedá una de les más importantes,
al ser el suxetu de tresmisión.
Pa nós ye clave’l papel que tien que xugar la mocedá nesta llucha, como nel restu de les que desendolquen n’Asturies. Les nueves xeneraciones tenemos qu'algamar una Asturies más llibre, xusta y digna y pa qu'eso seya posible tenemos que superar el conflictu llingüísticu, pa lo que cabe esixir a toles fuercies polítiques, movimientos sociales, y coleutivos de toa triba, unos mínimos democráticos que pasen por delles cuestiones, y ente elles, el tema que nesta ocasión nos ocupa: la oficialidá y normalización de les nueses llingües propies.
Nun queremos nin vamos escaecer el papel culpable, bien activu o bien pasivu, de les fuercies polítiques que vienen algamando representación na Xunta Xeneral: d’elles depende facer efeutivu un derechu básicu que se mos niega dende va décades, y qu’amuesa lo imprescindible de la llucha popular p’algamalu. Nesi sen, ante un nuevu procesu eleutoral a la vista n’Asturies, paeznos una cuestión de mínimos la defensa clara y ensin ambigüedaes de la oficialidá por parte de cualquier fuercia política que se presente. Na defensa de los derechos nun valen medies tintes.
Poro, la llucha ta na cai. Esta reivindicación, como’l restu, vamos algamales cola organización y la movilización. Ye por ello que llamamos a participar el vienres 8 de mayu na Manifestación pola Oficialidá, dende la Estación del Norte a les 19:30, dientro’l bloque #LluchandoPolaSoberanía, al entender qu’esta llucha ye una de les munches que tenemos que siguir desendolcando p’algamar una Asturies llibre, soberana, socialista y feminista.
Pa nós ye clave’l papel que tien que xugar la mocedá nesta llucha, como nel restu de les que desendolquen n’Asturies. Les nueves xeneraciones tenemos qu'algamar una Asturies más llibre, xusta y digna y pa qu'eso seya posible tenemos que superar el conflictu llingüísticu, pa lo que cabe esixir a toles fuercies polítiques, movimientos sociales, y coleutivos de toa triba, unos mínimos democráticos que pasen por delles cuestiones, y ente elles, el tema que nesta ocasión nos ocupa: la oficialidá y normalización de les nueses llingües propies.
Nun queremos nin vamos escaecer el papel culpable, bien activu o bien pasivu, de les fuercies polítiques que vienen algamando representación na Xunta Xeneral: d’elles depende facer efeutivu un derechu básicu que se mos niega dende va décades, y qu’amuesa lo imprescindible de la llucha popular p’algamalu. Nesi sen, ante un nuevu procesu eleutoral a la vista n’Asturies, paeznos una cuestión de mínimos la defensa clara y ensin ambigüedaes de la oficialidá por parte de cualquier fuercia política que se presente. Na defensa de los derechos nun valen medies tintes.
Poro, la llucha ta na cai. Esta reivindicación, como’l restu, vamos algamales cola organización y la movilización. Ye por ello que llamamos a participar el vienres 8 de mayu na Manifestación pola Oficialidá, dende la Estación del Norte a les 19:30, dientro’l bloque #LluchandoPolaSoberanía, al entender qu’esta llucha ye una de les munches que tenemos que siguir desendolcando p’algamar una Asturies llibre, soberana, socialista y feminista.
No hay comentarios:
Publicar un comentario