El 25 d’abril
l’Ayuntamientu de Cangues y l’exércitu español organicen na plaza Camila Beceña
una “xura de bandera civil”, actu col que , según desplica lliteralmente’l
propiu exércitu, “ensin querer venceyase
profesionalmente a les Fuerces Armaes, puede manifestase’l compromisu cola defensa d’ España, faciendo’l
xuramentu o promesa ante la Bandera”.
Dende la Mocedá
d’Izquierda Soberanista consideramos surrealista que dende la Casa Conceyu de
Cangues d’Onís s’empobine un actu d’estes carauterístiques, que nun sirve más
que como puru actu propagandísticu pal exércitu, y pa poner nel tarrén públicu
una vegada más esi patriotismu español de pandereta, aculturizador, represivu y
alienante.
Refugamos tou actu
propagandísticu d’una institución reaccionaria como les fuercies armaes
españoles, participantes nuna bayura de bombardeos ya invasiones imperialistes,
y qu’ente otres funciones de fondu calter antidemocráticu, tien como misión
“defender la integridá territorial” de la “indisoluble nación española”.
Tamién refugamos l’apoloxía d’una bandera bien manchada de sangre, y que representa les formes ideolóxiques y episodios más escuros del españolismu. Facémoslo amás en base a la esperiencia d’anteriores actos d’esti calter como’l d’Uviéu en 2013, tou un despliegue de la propaganda españolista más rancia, qu’espeyó un nulu interés por parte de la mocedá asturiano n’actos d’esti tipu, siendo la so participación nula o testimonial.
Tamién refugamos l’apoloxía d’una bandera bien manchada de sangre, y que representa les formes ideolóxiques y episodios más escuros del españolismu. Facémoslo amás en base a la esperiencia d’anteriores actos d’esti calter como’l d’Uviéu en 2013, tou un despliegue de la propaganda españolista más rancia, qu’espeyó un nulu interés por parte de la mocedá asturiano n’actos d’esti tipu, siendo la so participación nula o testimonial.
Poro, encamentamos
al gobiernu cangués a que se dexe d’actos escéntricos, rancios y
propagandísticos, y centre los sos
esfuerzos y enfotos n’ufrir un futuru llaboral dignu a la mocedá d’un conceyu
con 600 paraes y paraos , a promocionar valores democráticos bien contrarios a
los amosaos poles instituciones militares españoles, y a curiar y promocionar
el ricu patrimoniu cultural y llingüísticu del conceyu.
Porque tamos fartes
de pan y circu españolista, d’aculturización, y de represión: NON A LA XURA DE
BANDERA EN CANGUES.
No hay comentarios:
Publicar un comentario