El pasáu vienres 29 de mayu entamamos dende la Mocedá d'Izquierda Soberanista la charra entitulada "Raigaños celtes d'Asturies", col envís d'afondar na conocencia de la nuesa cultura y los nuesos
raigaños, pa defendela énte l'aculturización empobinada poles
élites polítiques y económiques que remanen les estructures de poder
que mos somorguien.
Na mesma'l profesor David M Rivas presentó al ponente, Inaciu Llope, que fizo un perinteresante repasu de les conceiciones esistentes n'Asturies a lo llargo la hestoria respeuto al celtismu, y la frayadura discursiva ya ideolóxica nesta cuestión, desarrollada dende Conceyu Bable. Nesi sen,afitóse'l celtismu como ún de los noyos principales de la cultura asturiana, asina como la so importancia a la hora de construyir un discursu nacional lliberador nel nuesu país.
Posteriormente tuvo llugar un prestosu alderique cola xente presente, nun Llar La Llegra enllenu dafechu. Dende Darréu agradecemos al ponente y a toles persones asistentes el facer posible esta actividá, cola que siguimos afondando na formación militante y la necesaria conocencia de tolos aspeutos de la nuesa cultura, la nuesa hestoria, y el nuesu presente como pueblu.
No hay comentarios:
Publicar un comentario