Una delegación de Darréu tuvo presente esti fin de selmana nos actos
organizaos en Santiago de Compostela alrodiu'l 25 xunetu.
De magar les seis de la tarde del vienres entamaben los actos con una
cadena humana pola llibertá de les preses independentistes gallegues que’l
organismu popular anti-represivu Ceivar convocaba. Dende Darréu amosamos la
nuesa solidaridá pa coles cinco preses gallegues, privaes de llibertá pol únicu
fechu de lluchar por una Galiza llibre.
A les ocho la tarde recorriemos les cais nuna manifestación de mocedá
pola independencia que les compañeres entamaben nun marcu xunitariu. De nuechi,
les delegaciones internacionales participemos nel actu políticu de les
compañeres de Briga na so xornada de rebelión xuvenil.
El sábadu, día de la patria galega, entamó con una manifestación
xunitaria, convocatoria na que participaron más de 25 mil persones y na que se
respiró un ambiente de confluencia esperanzador.
Esi mesmu día, la delegación de Darréu presenció cómo les vecines
gallegues siguen esfrutando de los sos xuegos populares, como'l liriu,
práutica compartida nes dos naciones. Asina mesmu, vimos como la mocedá gallega
apuesta por práutiques deportives afines a la so tierra, quienes xugaron un
campeonatu de fútbol gaélicu.
Dende Darréu valoramos perpositiva la visita a la nación vecina ya que
sírvenos pa fomentar llazos entre dambos pueblos, llazos encaminaos haza l'entendiemientu y la solidaridá de dos tierres que compartimos muncho. Asina
mesmu, prestónos compartir col restu de delegaciones esta esperiencia,
resultando la fin de semana arriquecedora al tar presente en tou momentu un
ambiente internacionalista d’apoyu ente los pueblos oprimios del Estáu.
Agradecemos a les compañeres de Isca! y Briga la so hospitalidá y felicitámos-yos pol trabayu fechu alrodiu'l so día nacional.
VIVA A GALIZA CEIVE, SOCIALISTA E
FEMINISTA!
No hay comentarios:
Publicar un comentario