La Mocedá d’Izquierda
Soberanista participamos esti 8 Setiembre nes actividaes populares entamaes n’Uviéu
col llema “Lluchando Pola Soberanía”, nel qu' amás de Darréu, llamó a participar un garrapiellu de coleutivos como La Llegra, Xunta Estudiantil Asturiana, Corriente Sindical d'Izquierda, Conceyu Abiertu, o Andecha Astur, asina como tamién la presencia de la campaña
pola absolución de los encausaos del 14-N, empobinada por Asturies en Pie.
Na concentración el
manifiestu espardíu espeyaba un sentir común: la denuncia de la manipulación
esistente dende’l poder pa colos fechos históricos que xustificaríen esta
fecha, asina como la reivindicación d’una necesaria tresformación, que va dende’l
propiu movimientu soberanista asturianu, fasta Asturies como suxetu políticu.
A lo postrero, tres
un pasucais qu’aportó a la Plaza’l Paragües, hebo turnu pa la llectura de
compañeros de la Xunta Estudiantil y los encausaos del 14-N, asina como de
Darréu. Pela nuesa parte, afitamos lo amosao nel nuesu llamáu a participar: hai
que valtiar a los poderes políticos y económicos que conderguen a la mocedá asturiano al paru, la precariedá y
la emigración, y pa ello ye fundamental el camín de la soberanía.
La xornada
trescurrió pela tarde con más xermandía, folixa, y reivindicación, lloñe de l’autocomplacencia
típica nos actos oficiales.
¡Siguimos
#LluchandoPolaSoberanía!
No hay comentarios:
Publicar un comentario