jueves, 10 de septiembre de 2015

Por un deporte llibre de machismu: ¡sofitu a Zaira!



Nos últimos díes dióse a conocer el casu de Zaira, árbitra de 14 años que ta camentando na retirada por mor de los comentarios abusivos, de calter machista, fechos por un espectador tres una decisión arbitral.

Dende la Mocedá d’Izquierda Soberanista treslladamos el nuesu apoyu y solidaridá a Zaira nesti casu concretu, y a toles persones que, día a día, sufren n’instalaciones deportives el machismu, el racismu, la xenofobia, o cualesquier otru tipu d’intolerancia.

Ye imprescindible avanzar na educación y la concienciación p’algamar una Asturies na que nun heba espaciu pal machismu, y más entá cuando se trata de casos rellacionaos cola mocedá. La xuventú somos el futuru, y nes nueses manes ta algamar una Asturies igualitaria, xusta y llibre.

SOFITU A ZAIRA
MACHISMU NON

No hay comentarios:

Publicar un comentario