Ayeri entamó a prender el nuesu pueblu. Más d’un centenar
d’incendios entamaros a arrasar centenares d’hectaries de terrén per tol país,
la mayor parte d’ellos nel occidente. Les altes temperaturas anormales nestes
feches y el vientu, contribuyeron a que la catástrofe tea siendo mayor. Y
muncho peor cuando’l serviciu de bomberos d’Asturies lleva trabayando los
postreros años nunes condiciones de precariedá absoluta. Dende fai meses tan
denunciando qu’hai qu’iguar les conciciones llaborales
d’esti gremiu pa poder facer frente al fueu y trabayar con seguridá y en
condiciones dignes. Pero al gobiernu de la FSA-PSOE paez qu’esto nun-y paecía
un tema importante. Güei Asturies güel a fumu.
Na mesma llinea, les plantaciones de monocultivu d’ocalitu que s’estienden
demientres decenes y decenes de kilómetros per tola costa asturiana y pel
occidente faen qu’esto seya un caramelu pal fueu. La comunidá científico,
expertos y ecoloxistes lleven décades glayando que los monocultivos d’ocalitu
son un problema mui seriu, qu’empobrez los suelos, desplaza les especies de
flora autóctones y que faen qu’el terrén se torne altamente inflamable, casique
como si fuere gasolina puro. Tamién hai que señalar
el papel d'un marcu llegal que permite la recalificación del terrén quemao,
faciendo asina d'ello una oportunidá más d'especular a costa d'agredir el nuesu
mediu ambiente.
Dende Darréu queremos amosar la nuesa solidaridá pa con toles families
afectaes y pa con tolos pueblos desabellugaos. Y tamién, queremos denunciar la
nefasta xestión del Principáu d’Asturies en materia d’estinción d’incendios
asina como na ordenación y y xestión de les viesques. Nel mesmu sen, queremos
denunciar la enorme precariedá a la qu’el Serviciu de Bomberos ta sometío y que
se-yos den de forma inmediata les condiciones y requerimientos llaborales que
reclamen. Y too esto tien que dir acompañao con el fin de les plantaciones de
monocultivu d’ocalitu y la repoblación progresiva del terrén con flora
autóctono.
Por ellos, por nós, pola nuesu mediu ambiente, pola nuesa Asturies.
No hay comentarios:
Publicar un comentario