La mocedá na cai pola oficialidá

Ayeri vienres la mocedá salimos a la cai a reivindicar la oficialidá de les nueses llingües propies, coincidiendo col Día de les Lletres Asturianes. 

Paeznos bien claro qu’esta falta de derechos que carecemos nun ye casual: ye ún de los munchos aspeutos nos que l’Estáu español mos intenta aculturizar y uniformizar, o como dixo aquel ministru: españolizanos. Poro, pa combatir estes problemátiques culturales, igual que pa combatir el paru, la precariedá, la emigración, la desigualdá de xéneru… apostamos pola soberanía pal nuesu país, l’únicu marcu col que vamos ser quien a decidilo too. 

Asina ye que formamos parte del bloque #LluchandoPolaSoberanía, con una aición previa a la manifestación na qu’escolingamos a la vera la estación de renfe una pancarta con un llema claru: OFICIALIDÁ.