Una vegada más hai que denunciar l’ataque d’elementos nazi-facistes a
iniciatives de la izquierda alternativa na cuenca’l Nalón. Nesti casu,
al mural autoxestionáu que dende Darréu facíemos unos díes atrás, col
llema “Futuru n’Asturies pa la mocedá”, que venimos emplegando na nuesa
reivindicación contra la emigración forciada de la xuventú d’Asturies.
Estos grupúsculos amuesen perbién la naturaleza del facismu: la so
única actividá conocía, más allá del amparu de la peña sportinguista
Ultra Boys na que s’abelluguen, ye la sistemática destrucción de
propaganda de les organizaciones d’izquierdes de la zona, pintaes
n’espacios autoxestionaos como’l CS La Semiente, o cobardes agresiones
en grupu a militantes de distintos coleutivos combativos de los nuesos
conceyos.
Nun mos garra de surpriesa: claro qu’esta puxarra nun quier un futuru pa la mocedá n’Asturies. Como señalaba Dimitrov, el fascismu nun ye más que “la dictadura terrorista abierta de los elementos más reaccionarios, más chovinistes y más imperialistes del capital financieru”. El so únicu llabor ye intentar entorpecer les actividaes del pueblu que reivindica un futuru pa les cuenques mineres, escontra’l desmantelamientu industrial y el caciquismu.
Nesi sen, dende Darréu queremos dexar bien claro que les aiciones d’esta secta fascista nun van consiguir que los distintos coleutivos de la izquierda alternativa dexamos de puxar, reivindicar y construyir el futuru que se mos niega, por un trabayu y una vida digna nes comarques mineres que tán destruyendo dende’l poder y los sos cómplices. Asina quedó demostrao col pasucais nel que cientos de persones percorrieron les cais de L’Entregu, y siguirá demostrándose les veces que faiga falta.
LA LLUCHA XUVENIL NUN PARA
ASTURIES YE ANTIFASCISTA
Nun mos garra de surpriesa: claro qu’esta puxarra nun quier un futuru pa la mocedá n’Asturies. Como señalaba Dimitrov, el fascismu nun ye más que “la dictadura terrorista abierta de los elementos más reaccionarios, más chovinistes y más imperialistes del capital financieru”. El so únicu llabor ye intentar entorpecer les actividaes del pueblu que reivindica un futuru pa les cuenques mineres, escontra’l desmantelamientu industrial y el caciquismu.
Nesi sen, dende Darréu queremos dexar bien claro que les aiciones d’esta secta fascista nun van consiguir que los distintos coleutivos de la izquierda alternativa dexamos de puxar, reivindicar y construyir el futuru que se mos niega, por un trabayu y una vida digna nes comarques mineres que tán destruyendo dende’l poder y los sos cómplices. Asina quedó demostrao col pasucais nel que cientos de persones percorrieron les cais de L’Entregu, y siguirá demostrándose les veces que faiga falta.
LA LLUCHA XUVENIL NUN PARA
ASTURIES YE ANTIFASCISTA
No hay comentarios:
Publicar un comentario