Esti 24 de xineru va tener llugar el xuiciu deriváu de les detenciones dientru la protesta entamada pola Coordinadora 25S, coincidiendo cola coronación de Felipe VI. Una coronación que dende la mocedá de Castiella refugaron, esixendo lo que ye de xusticia, lo que ye imprescindible, lo que ye un mínimu democráticu: un modelu republicanu pa Castiella y pa tolos pueblos que componen l'Estáu español.
Neses mesmes feches, coincidiendo cola coronación del que fasta entós yera poseedor del humildante ya impuestu títulu de "Príncipe de Asturias", la mocedá del nuesu país tamién salimos a les cais, esixendo un Procesu Constituyente Asturianu que mos llevare a un modelu republicanu, pero non cualquiera: ún nel que'l pueblu asturianu fuere suxetu soberanu.
Nesa mesma llucha siguimos en Castiella, n'Asturies, y nel restu de pueblos del Estáu, y dende equí mandamos la nuesa solidaridá y sofitu pa con esti enésimu casu de represión de la protesta y la disidencia. Esiximos ABSOLUCIÓN, esiximos XUSTICIA, esiximos LLIBERTÁ.
No hay comentarios:
Publicar un comentario