lunes, 6 de febrero de 2017

Xornada Asturllionesa alrodiu la situación llingüística




El 21 de febreru ye’l Día Internacional de la Llingua Materna, constestu nel que la mocedá asturiano tenemos muncho que reivindicar pa les nueses llingües propies. Esi mesmu tueru llingüísticu compartímoslu con países vecinos como’l llionés, fechu pol que surde esta Xornada Asturllionesa que va tener llugar nel Llar La Llegra (Cai El Postigu Baxu 40, Uviéu) el viniente 17 de febreru dende les 19:00 hores. 

Na mesma, vamos tener ocasión de conocer más alrodiu de la situación sociollingüística nel País Llionés, cola proyeición del documental “Llionés, la llingua llionesa”, y una posterior charra na que vamos cuntar cola visión moza de les compañeres de Ruchar, coleutivu xuvenil soberanista d’izquierdes que tien esta cuestión ente les sos reivindicaciones. Pa rematar, tendremos espaciu p’aldericar sobre semeyances y diferencies na situación d’Asturies y el País Llionés, intercambiar esperiencies, y en definitiva ser quién a arriquecer les nueses lluches.

Vémonos el 17 de febreru dende les 19:00 nel Llar La Llegra, porque la nuesa llingua materna sigue viva, y los sos falantes siguimos en llucha.

No hay comentarios:

Publicar un comentario